हरि आचार्य कपिलवस्तु, बैशाख १३
अर्घाखाँचीको शितगंगा नगरपालिका वडा नं. १३ ले वडाका सम्पुर्ण टोलमा विषादी छर्किएको छ । विश्व महामारीको रुपमा फैलिएको कोरोना भाईरस (कोभिड १९) को संक्रमण्ण फैलन नदिन वडामा विषादी छर्किने कार्यको समापन गरिएको वडाअध्यक्ष दुर्गा बहादुर विसिले जानकारी दिएका छन् ।
वडाका सिमलपानी, सानिलेख, डुडुवा, गोब्रेपानि, छाप, रिकोट, देउराली, हिटन टोला, बाहुन खर्क, कल्लेरी छेडाबजार र बौरी टोलमा विषादी छर्किएको वडाअध्यक्ष बिसिले बताए । लकडाउनको यो विषम परिस्थितीमा वडामा कुनै पनि संक्रमण नफैलियोस भन्ने उद्देश्यले उक्त कार्य गरिएको उनले बताए । करिव ३ दिन लगाएर लकडाउनका सम्पुर्ण सुचक पुरा गरि विषादी छर्किने गरिएको वडाकार्यालयले जनाएको छ ।
बिषादी छर्किदै
त्यस्तै लकडाउनका कारण पशुहरुका लागि औषधी लिन जान नपाएका किसानहरुलाई मध्यनजर गरी पशुको औषधी पनि उपलब्ध गराईएको छ । प्रत्येक टोलमा गरि करिव ३ सय किसानहरुलाई भेटेनरी औषधी प्रदान गएिको हो ।
लकडाउनको समयमा वडाभित्रका गरिव, विपन्न तथा मजदुरहरुलाई राहत प्रदान गरिसकिएको छ भने स्वास्थ्य सामग्रीहरु मास्क र साबुन पनि वितरण गरिएको छ ।
