हरि आचार्य कपिलवस्तु, बैशाख १४
विश्व महामारीको रुपमा फैलिएको कोरोना भाईरस ९कोभिड १९० को संक्रमण फैलन नदिन नेपाल सरकारले लकडाउनको घोषणा गरेसंगै विपन्न तथा असंगठित क्षेत्रमा कार्यरत मजदुरहरुको अवस्था दयनिय बनेको छ । दिनभर परिश्रम गरि साँझ विहानको छाक टार्ने मजदुरहरुलाई कोरोनको भन्दा परिवारको चिन्ताले सताईरहेको छ । सोहि समस्यालाई मध्यनजर गर्दै कपिलवस्तुको वाणगंगा नगरपालिका वडा नं. ३ भक्तौलि स्थित माछापुच्छ्रे एग्रो प्रोडक्टले असंगठित क्षेत्रमा कार्यरत मजदुरहरुको घाउमा मल्हम लगाएको छ ।
लकडाउनको यो विषम परिस्थितीमा प्रोडक्टले २४ मजदुरहरुको घरपरिवारलाई राहत स्वरुप खाद्यान्न प्रदान गरेको छ । प्रत्येक घरपरिवारलाई राहत स्वरुप २०/२० किलो चामल हस्तान्त्रण गरिएको माछापुच्छ्रे एग्रो प्रोडक्टका सञ्चालक बिष्णु खत्रीले जानकारी दिएका छन् । सञ्चालक खत्रीले लकडाउनको यो अप्ठ्यारो पस्थितीमा विशेष गरि दैनिक मजदुरीहरुको परिवारलाई समस्या भएकोले त्यस्ता परिवारलाई खाद्यान्न प्रदान गरिएको बताए । उनले त्यस्ता खालका परिवारलाई आफुले सक्दो सहयोग गर्न सबैलाई अनुरोध गरेका छन् । खाद्यान्न पाएसंगै उनीहरुले सहयोगी हातहरुलाई धन्यवाद दिंदै खुसी व्यक्त गरेका थिए ।
वाणगंगा नगरपालिका वडा नं। ३ का वडाअध्यक्ष सन्तराम रौतार थारु, कार्यपालिका सदस्य योगनाथ सुनार, आमा समुह प्रतिनिधी रमा पाण्डे, युवा क्लव अध्यक्ष तथा सञ्चारकर्मी असिम क्षेत्री, ज्येष्ठ नागरिक कमलेश कुमार रौतार, टोल विकास संस्थाका उपाध्यक्ष लाल कुमार महत, समाजसेवी रन बहादुर थापा, गाउँ कुलेपानि सचिव लक्ष्मण पोख्रेल, समाजसेवी लोक बहादुर थापा लगायत राजनितिक दलका प्रतिनिधी, समाजसेवी, बुद्धिजिवी तथा सरोकारवालाहरुको रोहवरमा उक्त खाद्यान्न सामग्री प्रदान गरिएको हो ।
