हरि आचार्य कपिलवस्तु, बैशाख २०
कोरोना भाइरस (कोभिड(१९) ले गर्दा नेपालमा लकडाउन सुरु भएसँगै देशैभरका विद्यार्थीको पढाइ अबरुद्ध भएको छ भने नतिजा पनि प्रकाशन गर्न अप्ठ्यारो भईरहेको छ । कोरोनको जोखिमलाई मध्यनजर गर्दै लकडाउनको पुर्ण पालना सहित कपिलवस्तुको वाणगंगा नगरपालिका वडा नं. ११ ओदारी स्थित स्काईलार्क ईङ्लिस बोर्डिङ स्कुल वाणगंगा ११ ओदारीले सामाजिक सञ्जाल मार्फत नतिजा प्रकाशन गरेको छ ।
कक्षा ५ र ८ बाहेक नर्सरी देखि ९ सम्मका करिव ६ सय १० जना विद्यार्थीहरुको नतिजा प्रकाशन गरिएको विद्यालयका शैक्षिक निर्देशक धुव्र पौडेलले जानकारी दिए । विद्यालयको फेस्बुक पेज तथा वेवसाईटबाट अभिभावक एवम् विद्यार्थी समक्ष नतिजा पुगिसकेको र सम्पर्क गरि यसको बारेमा जानकारी दिईसकिएको प्रिन्सिपल तोलाकान्त डुम्रेले बताएका छन् । लकडाउन खुलेपछि विद्यार्थीहरुको नतिजा अभिभावक तथा विद्यार्थीहरुलाई उपलब्ध गराईने विद्यालयले जनाएको छ । उत्कृष्ट सम्पुर्ण विद्यार्थीहरुलाई विद्यालय परिवारले बधाई सहित समुज्जवल भविष्यको कामना गरेको छ ।
