बुटवल ,असार २१

रुपन्देहीमा जारी रहेको निषेधाज्ञा असार ३१ गतेसम्म थपिएको छ । सोमबार बसेको डिसीएमसीको बैठकले ३१ गते राति १२ बजेसम्म निषेधाज्ञा थप्ने निर्णय गरेको हो ।

सर्वाजनिक सवारी साधनमा भने यस अघि जोर–विजोर प्रणाली लागू भएकोमा त्यसैलाई नै निरन्तरता दिने व्यवस्था गरेको छ ।
त्यस्तै माछा मासु तरकारी फलफुल दुग्धजन्य साम्रगीहरु विहान ५ बजेदेखि ८ बजेसम्म सञ्चालन गर्न पाइने छ भने अन्य व्यापार व्यवसाय बिहान ११ बजेदेखि ६ बजेसम्म सञ्चालन गर्न पाइने निर्णय गरिएको छ।
असार १५ गते बसेको बैठकले जिल्लामा सार्वजनिक सवारी साधनलाई जोर–विजोर प्रणालीमा सञ्चालन गर्न दिएको थियो भने निजी सवारी साधनलाई असार ८ गतेदेखि जोर–विजोर प्रणालीमा सञ्चालन गर्न दिएको थियो ।