दाङ,२०७७ चैत्र १०
आज दाङको तुलसीपुरमा स्कुल बस दुर्घटनामा भएको छ । दुर्घटनामा हुदा एक जना विद्यार्थीको मृत्यु भएको छ भने २९ जना विद्यार्थी घाइते भएको तुल्सीपुर प्रहरीले जनाएको छ। बस दुर्घटना हुँदा तुलसीपुर(१८ गणेशपुर निवासी १९ वर्षिया सम्झना केसीको मृत्यु भएको कलेजले विज्ञप्ति जारी गरेर जानकारी दिएको छ । आज विहान ५ बजेर ४५ मिनेटमा तुलसीपुर उपमहानगरपालिका वडा नम्बर १५ सरैया चोकमा बस दुर्घटना हुँदा १ जना विद्यार्थीको मृत्यु भएको र २९ जना विद्यार्थी घाइते भएको कलेजले जानकारी दिएको छ।
घाइते मध्ये ६ जनाको बाँकेको कोहलपुर मेडिकल कलेज र अन्यको तुलसीपुरमा रहेको राप्ती प्रादेशिक अस्पतालमा उपचार भइरहेको विज्ञप्तिमा जनाइएको छ । तर उनीहरुको अवस्था कस्तो छ भन्ने कुनै जानकारी खुलाइएको छैन । इलाका प्रहरी कार्यालय तुलसीपुरका प्रहरी निरीक्षक झलक शर्माले भने दुर्घटनामा परी ७ जना गम्भिर घाइते भएको जानकारी दिएका छन ।
