हरि आचार्य, कपिलवस्तु
राष्ट्रिय युवा संघ नेपाल बाणगंगा नगर कमिटी अध्यक्ष कमल घिमिरेले नेतृत्व सम्हाले पछि नगर कमिटी सक्रिय बनेको छ । घिमिरेलाई नगर कमिटीको जिम्मेवारी दिएसंगै नगर कमिटीका युवाहरु सक्रियताका साथ लागेका छन् ।
आसन्न प्रतिनिधि तथा प्रदेश सभा निर्वाचन नजिकिदै गर्दा नगरपालिकाका ११ वटै वडा कमिटीलाई चुस्त दु्रस्त बनाउनका लागि नगर कमिटी अध्यक्ष घिमिरे लागिपर्नुभएको छ ।
एक वुथ, सय युथ अभियानलाई प्रभावकारी रुपमा अगाडि बढाउनका लागि सुरु गरिएकोे युवा भेला तथा प्रशिक्षण कार्यक्रम करिव अन्तिम चरणमा पुगेको अध्यक्ष घिमिरेले बताउनुभयो ।
सोहि क्रममा राष्ट्रिय युवा संघ नेपाल बाणगंगा नगरपालिका वडा नं. ६ वडा कमिटीले युवा भेला तथा प्रशिक्षण कार्यक्रम सम्पन्न सम्पन्न गरेको छ । पार्टीलाई मजबुत र बलियो बनाउन र पार्टीका उम्मेद्वारलार्ई विजयी गराउनका लागि गर्नुपर्ने दायित्व र जिम्मेवारीबारे युवाहरुलाई प्रशिक्षण प्रदान गरिएको अध्यक्ष घिमिरेले लुम्बिनी दर्पणलाई बताउनुभयो ।
संगगठनका वडा कमिटी अध्यक्ष रण बहादुर काउचाको अध्यक्षता, राष्ट्रिय युवा संघ नेपाल बाणगंगा नगर कमिटी अध्यक्ष कमल घिमिरेको प्रमुख आतिथ्यता, पार्टीका जिल्ला सचिवालय सदस्य तेजेन्द्र पाण्डेको विशिष्ठ आतिथ्यता रहेको कार्यक्रम दिनेश चौधरीको सञ्चालनमा सम्पन्न भएको हो । कार्यक्रममा अन्य जनवर्गीय संगठनका पदाधिकारी तथा सदस्य र युवाहरुको समेत उपस्थिती रहेको थियो ।
