थानेश्वर अधिकारी ।
नेपाली अर्थतन्त्रको मेरुदन्डको रुपमा रहेको कृषि क्षेत्रले आ.व. २०७७÷७८ को तथ्याङ्ग अनुसार कुल ग्राहस्थ उत्पादनको २५.८३५ हिस्सा ओगटेको छ । कृषि पेशा भन्दा नाक खुम्च्याउने, पढे लेखेकाले खेतबारीमा काम गर्न नहुने साेंचहरुले कृषि क्षेत्रलाई झन् खुमच्याउदै लगेको छ । बढ्दो जनसंख्या र माग अनुरुप कृषि उत्पादन बढ्न नसक्दा बजार भाउ आकाशिनुले बेला बेला भोकमरीको समस्या पनि देखापर्ने गर्छ । त्यसकारण कृषिलाई पेशाकै रुपमा अँगाल्दा यसको व्यवसायिकरण तर्फ ध्यान दिनु र आधुनिक उपकरण, प्रविधिको प्रयोग गर्नु अत्यन्तै आवश्यक देखिन्छ ।

यस्तै अनुरुप कपिलवस्तु नगरपालिका वडा नं १० पिपरा बस्ने दुई दिदि बहिनी रचना कंडेल र शुष्मा कंडेलले बिगत १ बर्ष देखी व्यवसायिक रुपका फलफुल खेती गरी कृषि पेशामा आत्मनिर्भर बन्दै आइरहेका छन् । करिब २५ लाखको लगानीमा दिदि बहिनी कृषि फर्म खोलेर फलफुल खेती व्यवसाय शुरु गरेका हुन् । उनीहरुले गत बर्ष कार्तिक–मंसिर महिनामा करिव ४ लाख बराबरको सयपत्री फुल बिक्री गरेको व्यवसायी रचना कंडेल बताउनु हुन्छ । शुरुमा च्याउ खेती बाट शुरु गरिएको यो व्यवसायमा अहिले स्टवरी, लिची, आँप, केरा, अब्बा, स्याउ, ड्रागन लगायतका फलफुलका बिरुवाहरु लगाइएको छ । आफु फुड टेक्निसियन भएको कारण पनी कृषि व्यवसायप्रति रुची बढेकाले यो व्यवसायमा सफल हुने उहाँको दावी रहेको छ । अर्की व्यवसाथी शुष्मा क्रडेल बि.एसी.एग्रिकल्चरकी बिद्यार्थी हुनुहुन्छ ।

आफुले कृषि सम्बन्धी बिषयनै पढेका कारण आफु भित्रको श्रमको सीपलाई परिश्रमको मोति मानेर आफ्नै माटोमा मेहनत गर्न सके अवश्य सफल मिल्नेछ । यो सिजनमा करिव ४ लाखको स्टवरी बिकी्र गरेका छौं । हामी शुरुवाती अवस्थामा नै छौ अहिले पाइलटिङ गरिहेका छौ । कहिं कतैबाट अनुदान ल्याएका छैनौ अहिले करिव ३ बिगाहा क्षेत्रफलमा कृषि फर्म संचालन गरेका छौं अव निकट भविश्यमा यसलाई एग्रो टुरिजमका रुपमा विकास गरी कृषि श्रोत केन्द्र बनाउने उद्देश्यका साथ अगाडी बढेको कंडेल बताउनु हुन्छ । फर्ममा अर्गानिक कृषि उपज उत्पादन गर्नका लागी गड्यौला खेती,गाई भैसी पालन व्यवसाय पनी शुरु गर्ने सोंच रहेको बताउनुभयो । यो फर्म संचालन गर्न घर परिवारको साथ र सहयोग रहेका कारण पनी व्यवसाय प्रति अभिरुची रहेको संचालकको भनाई रहेको छ ।

सो व्यवसायको अवलोकन गर्दे लुम्बिनी प्रदेश सांसद गिरधारीलाल न्यौपानेले दुई दिदि बहिनीले संचालन गरेको व्यवसायले सबैलाई उर्जा थपेको बताउनु भयो आजको दिनमा मरुभुमि भएका जमिन हराभरा हुँदै गर्दा हाम्रो खेतीयोग्य जमिन भने विखण्डीकरण र मरुभुमिकरण हुँदै गइरहेको अवस्थामा उन्नत प्रविधिको प्रयोग सहित संचालनमा आएको दिदि बहिनी कृषि फर्मको सफलतको शुभकामना दिनु भएको छ साथै प्रदेश सरकारबाट हुन सक्ने सहयोग प्रति आफुले सक्दो पहल गर्ने प्रतिबद्धता व्यक्त गर्नुभएको छ ।