वीरगञ्ज – बारामा ड्युटीमा खटिएका एक ट्राफिक प्रहरी जवानको बसको ठक्करबाट मृत्यु भएको छ। बागमती प्रदेश ०१–००ख ६१२३ नम्बरको बसको ठक्करबाट शुक्रबार राति प्रहरी जवान मुनटुन यादवको मृत्यु भएको जिल्ला प्रहरी कार्यालय बाराका प्रहरी निरीक्षक वीरेन्द्र गुरुङले जानकारी दिएका छन् ।
‘राति चेकिङमा खटिएको बेला बसले ठक्कर दिँदा यादव गम्भीर घाइते भएका थिए। उनलाई तुरुन्तै उपचारको लागि वीरगञ्ज लगिएको थियो र वीरगञ्जस्थित बयोधा अस्पतालमा उपचारकै क्रममा राति नै उनको मृत्यु भएको हो।
’ठक्कर दिने बसका चालकलाई प्रहरीले नियन्त्रणमा लिएको छ । बसको ब्रेक नलागेकाले यादवलाई ठक्कर दिन पुगको चालकले बताएको प्रहरीले जनाएको छ । मृतक यादवको शव पोष्टमार्टको लागि वीरगन्जस्थित नारायणी अस्पतालमा राखिएको छ ।
प्रकाशित : २०८० चैत्र २४, शनिबार १५:११
