लुदस, कपिलवस्तु
युनाइटेड बहुउद्देश्यीय सहकारी संस्था लिमिटेडको तेस्रो वार्षिक साधारण सम्पन्न भएको छ । सभाले तीन मुख्य उद्देश्यमा आधारित नीति तथा कार्यक्रम पारित गरेको छ । सभाले ऋण बचत, स्वास्थ्य सेवा, र प्राविधिक शिक्षालाई प्राथमिकतामा राख्दै आगामी कार्यक्रमहरू अघि बढाउने निर्णय गरेको छ ।
सभामा आर्थिक वर्ष २०८१/०८२ को नीति तथा कार्यक्रम प्रस्तुत गर्दै, सदस्यहरूलाई बचत र ऋण कारोबारमा सहजीकरण, स्वास्थ्य सेवा विस्तार, र प्राविधिक शिक्षाको विकासलाई तीव्र बनाउने योजना प्रस्तुत गरिएको थियो ।
संस्थाले सञ्चालित अस्पताललाई ५० शैयाबाट १०० शैयामा विस्तार गर्ने प्रक्रिया अघि बढाइसकेको जानकारी गराएको छ । साथै, स्वास्थ्य बीमा कार्यक्रमलाई प्रभावकारी बनाउँदै विशेषज्ञ सेवा, नयाँ भवनमा आईसीयू र भेन्टिलेटरको सुविधा उपलब्ध गराउने योजना अगाडि सारिएको छ ।
संस्थाले प्राविधिक कलेज सञ्चालन गरी यस क्षेत्रका विद्यार्थीहरूलाई सीपमूलक शिक्षा प्रदान गर्ने उद्देश्य लिएको छ । संस्थाले यी कार्यक्रमहरूमार्फत स्वास्थ्य, शिक्षा, र आर्थिक क्षेत्रमा योगदान पु¥याउने विश्वास लिएको छ ।
प्रदेश सांसद विष्णु पन्थीले बोल्दै युनाइटेड बहुउद्देश्यीय सहकारी संस्था लिमिटेडले सामाजिक क्षेत्रमा गर्दै आएको बताउदै सहकारी संस्थाको नीति तथा कार्यक्रमले स्थानीयस्तरमा रोजगारी सिर्जना गर्ने र आर्थिक अवस्था सुधार गर्नेमा भूमिका खेल्ने विश्वास व्यक्त गर्नु भयो ।
स्वास्थ्य सेवा विस्तार जस्तै अस्पतालको शैय्या संख्या बढाउने, आईसीयू, भेन्टिलेटर सेवा थप्ने, र स्वास्थ्य बीमा कार्यक्रमले प्रदेशवासीको जीवनस्तर उकास्न सघाउने समेत बताउदै प्राविधिक कलेज स्थापना जस्ता योजनाले युवाहरूलाई सीपमूलक शिक्षा प्रदान गरी स्वरोजगारको बाटो खोल्ने बताउनु भयो । सहकारी संस्थाका विभिन्न गतिविधिहरूलाई प्रदेश सरकारले आवश्यक सहयोग र सहकार्य गर्ने प्रतिबद्धता समेत जनाउनु भयो । साथै उहाँले देशको अर्थतन्त्रको लागि निकै आवश्यक रहेको बताउनुभयो ।
संस्थाका अध्यक्ष्य मुनाराम चालिसेले सहकारी संस्थामा स्थानीय जनताको सक्रिय सहभागिता र विश्वासले मात्र यी कार्यक्रमहरू सफल बनाउन सकिने बताउनु भयो ।
कार्यक्रममा जिल्ला समन्य प्रमुख बाबुराम अर्याल, वाणगंगा नगरपालिकाका मेयर चक्र पाणी अर्यालल लगायत विभिन्न व्यक्तिहरुको सहभागिता रहेको थियो ।
संस्थाका अध्यक्ष्य चालिसेको अध्यक्ष्यता संस्थाका उपाध्यक्ष माधव तिमिल्सनाको स्वागत मन्तव्यमा भएको कार्यक्रमको सञ्चालन सचिव श्याम खनालले गर्नु भएको थियो ।
