हरि आचार्य, कपिलवस्तु
पछिल्लो समय देशका युवा वैदेशिक रोजगारका लागि विदेश पलायन हुनेको संख्या दिनानुदिन बढिरहेको छ । स्वदेशमै केहि गर्छु भन्ने मनमा सोंच हुंदाहुंदै पनि आर्थिक मन्दी, महंगी तथा राज्यको नीतिका कारण विदेश पलायन हुन बाध्य छन् युवाहरु ।
यसै क्रममा कपिलवस्तुको बाणगंगा नगरपालिकाको मुख्य बजार क्षेत्र चारनम्बर तौलिहवा सडकखण्डमा एक २५ बर्षिय युवाले ‘पञ्चामृत मिष्ठान्न भण्डार’ संचालनमा ल्याउनुभएको छ । चारनम्बर स्थित तौलिहवा रोडमा भर्खर मात्र उद्घाटन भएसङ्गै ‘पञ्चामृत मिष्ठान्न भण्डार’ सञ्चालनमा आएको सञ्चालक शंकर भट्टराईले लुम्बिनी दर्पणलाई बताउनुभयो । पछिल्लो समय युवाहरु प्रदेशियको अवस्थामा आफुले भने आफ्नै देशमा व्यापार व्यवसाय प्रवर्दन गरि उपभोक्तालाई स्वच्छ र स्वस्थ सामग्री तथा उपलब्ध गराउने उद्देश्यले व्यवसाय सञ्चालन गरेको बताउनुभयो ।
चारनम्बरकै मिष्ठान्न भण्डारहरु मध्ये तन्दुरी आईटम पाईने पहिलो ‘पञ्चामृत मिष्ठान्न भण्डार’ रहेको र अन्य विभिन्न नयाँ, ताजा तथा गुणस्तरीय आईटम उपलब्ध गराउने सञ्चालक भट्टराईले बताउनुभयो । होटलमा स्वादिष्ट तथा गुणस्तरीय साकाहारी खाना खाजाका परिकार, पनिर, दुध, दहि, विभिन्न परिकारका मिठाई लगाएतका साकाहारीका सम्पुर्ण परिकारहरुको सुपथ मुल्यमा स्वाद लिन सकिने सञ्चालक भट्टराईले बताउनुभयो ।
