लुदस, कपिलबस्तु
होलीलाई मर्यादित, सभ्य र अनुशासित बनाउन जिल्ला प्रशाशन कार्यालय कपिलबस्तुले जिल्ला वासिहरुलाई आग्रह गरेको छ । प्रशाशनले एक सूचना जारी गर्दै मिलनको पर्व होलीलाई मर्यादित, सभ्य र अनुशासित बनाउन दाईत्यो सवैको रहेको बताउदै सवै स्थानिय तहहरुलाई रङ्गहरूको पर्व होलीलाई सभ्य, शान्त र मर्यादित बनाउन आग्रहगरेको छ । कसैलाई पनि रङ्ग नलाउन नचाहनेहरुलाई बाटोमा हिडने बटुवालाई दुःख र सास्ती हुने किसिमले कुनै रङ्ग अबीर नलगाउन सवैमा आग्रह गरेको छ ।
साथै जबरजस्ती कसैलाई रङ्ग अबीर दुख दिएमा कारबाही समेत गरिने कपिलबस्तुका प्रमुख जिल्ला अधिकारी बिश्व प्रकाश अर्यालले बताएका छन् ।
जबरजस्ती लोला हान्ने, रङ्ग र फोहर पानी छ्याप्ने, होहल्ला गर्ने, मदिरा सेवन गरी झैझगडा गर्ने लगायतका क्रियाकलाप नगर्न अपिल ग्रदै अश्लील र ठुलो आवाजमा डिजे बजाउन र बाटो र राजमार्ग समेत अवरोध हुने गरी होली नखेल्न प्रशाशनले सूचना जारी गरेको छ । कानुन विपरीत कार्यहरू गरिएको पाइए प्रचलित कानुन अनुसार कारबाही समेत गरिने बताएको छ ।
यता होली पर्व मा हुन सक्ने सम्भावित घटना रोक्न र शान्ति सुरक्षाका लागि कपिलबस्तु प्रहरीले होली विशेष सुरक्षा रणनीति लागु गरेको कपिलबस्तुका प्रहरी उपरीक्षक निरंजन दत्त भट्टले बताएका छन् । सभ्य मर्यादीतरुपमा हाली खेलेर शान्ति सुरक्षा कायम गर्न सवैमा अपिल गरेका छन् ।
प्रहरीले होली विशेष सुरक्षा रणनीति अनुसार होलीका दिन एक हजार प्रहरी परिचालन गरिने बताएको छ । होलीका दिन ट्राफिक सहित एक हजार प्रहरी परिचालन गरिने प्रहरी उपरीक्षक भट्टले बताएका छन् । प्रहरीहरू २ सिफ्टमा परिचालन हुने गरी जिल्लाका विभिन्न ठाउँ ठाउँमा मोबाइल गस्ती, पट्रोलिङ समेत गर्ने योजना बताएको बताएको छ । होली पहाडमा फागुन २९ र तराईमा चैत १ गते मनाईदैछ ।
