हरि आचार्य, कपिलवस्तु
होटल तथा पर्यटन व्यवसायी संघ कपिलवस्तुको तेस्रो बार्षिक साधारण सभा तथा नव वर्ष २०८२ सालको शुभकनमना आदान प्रदान कार्यक्रम सम्पन्न भएको छ । अर्घाखाँचीको पर्यटकीय स्थल नरपानिमा उक्त कार्यक्रम सम्पन्न गरिएको हो । साधारण सभामा संघका कोषाध्यक्ष सरोजमणि पौडेलले आर्थिक प्रतिवेदन, महा सचिव रोमलाल पौडेलले प्रगति प्रतिवेदन तथा अध्यक्ष रबिन्द्र पौडेलले चालू आर्थिक बर्षको तथा आगामी आर्थिक बर्षको नीति, कार्यक्रम तथा कार्ययोजना प्रस्तुत गर्नुभएको थियो भने सम्पुर्ण प्रतिवेदन पारित भएका छन् ।
कार्यक्रमका प्रमुख अतिथि बाणगंगा नगरपालिकाका नगर प्रवक्ता बिष्णु प्रसाद पौडेलले होटल तथा पर्यटन व्यवसायीहरुको हक हितका लागि स्थानिय सरकार प्रतिवद्द रहेको बताउनुभयो । वडा नं. २ का वडाध्यक्ष समेत रहनुभएका पौडेलले निजि क्षेत्रको विकास विना देशको आर्थिक समृद्धि नहुने बताउनुभयो । उहाँले संघको लागि नगरपालिका तथा वडाबाट नीति, कार्यक्रम तथा बजेटको व्यवस्था गरिरहेको र आगामी दिनमा पनि गर्ने प्रतिवद्दता व्यक्त गर्नुभयो ।
कार्यक्रममा सन्धिखर्क नगरपालिका वडा नं. ६ का वडाध्यक्ष श्रिधर महत्राले शुभकामना मन्तब्य दिंदै आफ्नो वडामा कार्यक्रम आयोजना गरेकोमा धन्यवाद व्यक्त गर्नुभयो । विभिन्न पालिकाका समितिहरुले रिपोर्टिङ्ग गरेका थिए । साथै कार्यक्रममा शितगंगा ५ का समाजसेवी नारायण पौडेल, कृष्णनगर उद्योग वाणिज्य संघ सदस्य निर्मल पराजुली लगायतको आतिथ्यता रहेको थियो ।
साधारण सभामा संघका जिल्ला अध्यक्ष रबिन्द्र पौडेलले होटल तथा पर्यटन व्यवसायीहरुको हक हित र समृद्धिका लागि संघ सदैव प्रतिवद्ध रहेको बताउनुभयो । अध्यक्ष पौडेलले बाह्य पर्यटकहरुलाई स्वदेशमै समय बिताउने गरि वातावरण सिर्जना गर्ने खालको योजना बनाउनुपर्नेमा जोड दिनुभयो । अध्यक्ष पौडेलले संघले उद्यमशिल, रोजगार र स्वरोजगार बन्ने खालका काम पनि गरिरहेको बताउनुभयो ।
साधारण सभामा उत्कृष्ट कार्यसम्पादन गरेकोमा कृष्णनगर नगर समिति तथा संघको हितमा पत्रकारीताको माध्यमबाट गरेको योगदानको कदर गर्दै पत्रकार हरि आचार्यलाई सम्मान समेत गरिएको छ ।
संघका अध्यक्ष रबिन्द्र पौडेलको अध्यक्षता, बरिष्ठ उपाध्यक्ष झिमलाल सापकोटाको स्वागत मन्तब्य, महा सचिव रोमलाल पौडेलको संचालनमा सम्पन्न कार्यक्रममा जिल्लाका होटल तथा पर्यटन व्यसायीहरुको उपस्थिती रहेको थियो ।
