हरि आचार्य, कपिलवस्तु
कपिलवस्तुको बाणगंगा नगरपालिका चार नम्बर स्थित कपिलवस्तु सामुदायिक अस्पताल अनिश्चितकालका लागि बन्द भएको छ । कपिलवस्तु सामुदायिक अस्पताल विकास समिती द्वारा संचालित कपिलवस्तु सामुदायिक अस्पतालको स्तरोन्नती र आन्तरिक व्यवस्थापन गर्नुपर्ने भएको हुदा मिति २०८२/०१/१८ गते बिहीबारदेखि अर्को सुचना नहुदा सम्मको लागि अस्पतालको सम्पूर्ण सेवा बन्द रहने जानकारी कपिलबस्तु सामुदायिक अस्पताल विकास समितीले एक पत्र जारी गर्दै जानकारी दिएको छ । यस प्रति अस्पतालमा कार्यरत डाक्टरहरुले आपत्ति जनाएका छन् ।
डाक्टर र कर्मचारीलाई बिना जानकारी आफ्नै मनोमानीमा एक्कासी बन्द गर्ने अनि पारिश्रमिकको टुंगो नभएको अस्पतालमा कार्यरत डाक्टर र कर्मचारीले बताएका छन् । जनताको पैसा संकलन गरेर समुदायस्तरमा स्थापना गरेको सामुदायिक अस्पताल यसरि बिरामीको ख्याल नगरि एक्कासी बन्द गर्दा प्रश्न चिन्ह खडा भएको छ ।
सुचनामा अस्पतालको स्तरोन्नति र आन्तरिक व्यवस्थापनका कारण बन्द हुने उल्लेख भएता पनि त्यसो नभएको स्थानीयले बताएका छन् ।
स्वास्थ्य जस्तो संवेदनशिल क्षेत्रमा बिरामी भर्ना हुन्छन्, सिरियस हुन्छन्, खै अस्पतालको जिम्मेवारीपन, आखिर अस्पताल त बिरामीको उपचारका लागि स्थापना भएको हो कि रानीतिका लागि, डाक्टर भन्छन् ।
नेपाली कांग्रेसको र्वचश्व भएको कपिलवस्तु सामुदायिक अस्पताल स्थापनाकाल देखिनै विवादमा पर्दै आएको छ । जसका कारण अस्पतालका डाक्टर, स्वास्थ्यकर्मी र कर्मचारी आन्दोलित भएका छन् ।
