तिनाउ गाउँपालिका–३ स्थित ड्यामसाइडमा पौडी खेल्ने क्रममा एक भारतीय युवकको मृत्यु भएको छ। मृतक १८ वर्षीय युवक भारतको महाराजगंज जिल्ला अन्तर्गत नौतनवा निवासी सोएब अन्सारी रहेको प्रहरीले जनाएको छ।प्रहरीका अनुसार अन्सारी आफ्ना दाजुभाइ र साथीहरू सहित बुटवल घुम्न आएका थिए। घुम्दै तिनाउ खोलाको ड्यामसाइड पुगेका उनीहरू पौडी खेल्ने क्रममा अन्सारी ड्यामको रहमा डुबेका थिए।
डुबेका अन्सारीको शव अझै फेला परेको छैन, खोजी कार्य जारी रहेको प्रहरी चौकी दोभानका प्रमुख रोम केसीले जानकारी दिए। खोलामा पानीको बहाव बढेकाले खोजतलासमा कठिनाइ भइरहेको उनले बताए।