हरि आचार्य कपिलवस्तु, बैशाख २८
जिल्लाका हरेक ठाउँमा रहेका गरिव, विपन्न तथा दुःखीहरुको साहारा बन्दै आईरहेका नेपाल तरुण दल कपिलवस्तु र नेपाल विद्यार्थी संघ (नेविसंघ) क्षेत्र नं. १ ले सामाजिक कार्यलाई निरन्तरता दिईरहेका छन् । लकडाउनको यो विषम परिस्थितीमा दोस्रो चरणको राहत स्थानीय तहले अझै सुरु नगरेको अवस्थामा तरुण दल र नेविसंघले दोस्रो चरणको राहत गरि कपिलवस्तुमा १ हजार घरपरिवारलाई वितरण गरिरहेका छन् । सोहि क्रममा आईतवार कपिलवस्तुको वाणगंगा नगरपालिकाका ३ वटा वडाका १ सय ३० बढि परिवारलाई राहत वितरण गरि विपन्नको साहारा बनेका छन् ।

राहत प्रदान गर्दै

कोेरोनका कारण घोषणा गरिएको लकडाउनले छाक टार्न गाह्रो भई छटपटाईरहेका गरिव विपन्न तथा भाडामा बसी अध्ययन गर्ने विद्यार्थीहरुलाई राहत वितरण गरिएको तरुण दल कपिलवस्तुका सभापति शक्ति सिंह ठकुरीले जानकारी दिए । वाणगंगा नगरपालिका ११ ओदारी, वडा नं. १० को पट्ना र मेचकुरी डांडा र वडा नं. ५ को कोपवा र झण्डाका १ सय ३० बढि परिवारलाई राहत स्वरुप दाल, चामल, नुन र तेल लगायतका खाद्य सामग्री प्रदान गरिएको नेविसंघ क्षेत्रीय सभापति चन्द्रकान्त पोख्रेलले जानकारी दिए ।

कार्यक्रमलाई सम्बोधन गर्दै क्षेत्रीय सभापति पोख्रेलले नगरपालिका, वडा र प्रदेश सरकार बाट नपाएका र छुटेका परिवारलाई वितरण गरिएको यो राहत दोस्रो चरण अन्तर्गतको राहत रहेको बताए । उनले कुनै गरिव परिवार भोकै बस्न नपरोस भन्ने उद्देश्यले विशुद्ध समाजिक सेवामा समर्पित भई सामाजसेवामा खटिएको बताए । उनले जिल्लामा हरेक क्षेत्रमा पिडित बनेका स्थानीयहरुको साहारा बन्दा गर्भको महशुस भएको बताए ।

त्यस्तै तरुण दल जिल्ला सभापति ठकुरीले चुनावका बेला लाखौँ, करोडौ खर्च गर्ने नेताहरु अहिले गरिवहरुको दुःख हेर्दै बसेको भन्दै यो समयान राजनिती भन्दा माथि रहेर समाजसेवामा लाग्नुपर्ने बताए ।

नेविसंघ छेत्र नं. १ र तरुण दल कपिलवस्तुद्धारा आयोजीत नेपाली कांग्रेस जिल्ला सदस्य रबि बहादुर काफ्ले, जिल्ला समन्वय समिति उपाध्यक्ष तारावती चौधरी, क्षेत्रीय कोषाध्यक्ष ज्ञानु कार्की, तरुण दल क्षेत्रीय सभापति तिलक थापा, सदस्य दिपक घिमिरे, कृष्ण पराजुली, नेविसंघका इकाई सभापति दिनेश क्षेत्री, कांग्रेसका नेता मुकेश खनाल, बलराम घिमिरे, लक्ष्मण कडेंल, भग्गु चौधरी, वडा सभापति गोबिन्द चौधरी, शालिकराम पौडेल, राम बिहारि चौधरी, नगर सदस्य जेद प्रकाश खनाल, गेल्हईराम गुप्ता, वडा सदस्यहरु राम नक्षत्र चौधरी, दिलमाया थापा, बिन्दु बिक लगायतको उपस्थिति रहेको थियो । राहत पाएसंगै विपन्न परिवारले नेविसंघ र तरुणदललाई धन्यवाद दिँदै खुसी व्यक्त गरेका थिए ।