सुनवल, कात्तिक १४
नवलपरासीमा एकैदिन तीन किशोरी हराएका छन् । जिल्लाको सुनवल नगरपालिका वडा नं। ७ सिसाहानी निवासी १८ बर्षिया सरिता मुसहर, १४ बर्षिया मंजु मुसहर, १३ बर्षिया अनु मूसहर शनिवार साँझ ६ बजेदेखी हराएका हुन् ।अन्दाजी ५ फिट उचाई र गहुँगोरो बर्ण भएकी सरिता मुसहरले कलेजी टप्स र निलो पाईन्ट लगाएको तथा टाउकोमा हेडविन लगाएको परिवारले जनाएको छ ।
त्यसैगरी मन्जु र अनु मुहसर अन्दाजी साढे ४ फिट गहुँगोरो बर्णका भएको परिवारले जनाएको छ । मन्जुले कालो र पहेलो कपडा लगाएको तथा अनुले सुन्तला रङको सुट लगाएका छन् ।
अकस्मात छोरिहरू हराएपछी चिन्तित किशोरीका परिवारले आफ्ना छोरीहरू खोजिदिन परिवारले आग्रह गरेका हुन ।
त्यसैगरी शनिबार साँझबाटै स्थानीय फ्याक्ट्रीमा काम गर्ने १ नेपाली सहित ३ भारतीय मजदुर समेत हराएको स्थानीयले जनाएका छन् ।
स्थानीय प्रहरीले घटनाबारे जानकारी प्राप्त भएको र खोजविन जारी रहेको जनाएको छ । स्रोत सेतोमसी डट कमबाट
