लुदअ कपिलवस्तु, चैत्र ९
कपिलवस्तु जिल्लामै शैक्षिक क्षेत्रमा अग्रणि स्थानमा रहेको शैक्षिक धरोहर सिद्धार्थ क्याम्पस वाणगंगा कपिलवस्तुले सरोकारवालाहरुसंग वृहत अन्तरक्रिया तथा पृष्ठपोषण संकलन कार्यक्रम सम्पन्न गरेको छ । सो अवसरमा विभिन्न क्षेत्रका प्रतिष्ठित व्यक्तिहरुको उपस्थिती रहेको थियो ।
सिद्धार्थ क्याम्पसका क्याम्पस प्रमुख खेमराज शर्माको अध्यक्षता तथा क्याम्पस सञ्चालन समिति उपाध्यक्ष रवि बहादुर काफ्लेको प्रमुख आतिथ्यता रहेको कार्यक्रममा कपिलवस्तु सामुदायिक अस्पतालका महा सचिव पोमनारायण पौडेल, सिद्धार्थ सामाजिक विकास केन्द्रका अध्यक्ष तेज प्रसाद आचार्य, सिद्धार्थ बतच तथा ऋण सहकारी संसथाका अध्यक्ष सुर्य कुमारी शाहि, वाणगंगा मौरीपालन सहकारी संस्थाका अध्यक्ष लिलापति घिमिरे, राजापानी सामुदायिक वन उपभोक्ता समुहका अध्यक्ष ढाकाराम अधिकारी, भुपु सैनिक खानेपानी तथा सरसफाई उपभोक्ता समितिका अध्यक्ष राजेन्द्र विक्रम शाह, पुर्व विद्यार्थी समाज सिद्धार्थ क्याम्पसका अध्यक्ष गोबिन्द पोख्रेल, शाईन रेसुंगा बैंक जितपुर शाखाका शाखा प्रमुख अनुराग पाण्डे, समाजसेवी बुद्धिजिवीहरुले क्याम्पसले प्रवाह गर्दै आएको गुणस्तरिय शिक्षाको प्रशंसा गर्दै आगामि दिनमा २१ औँ शताब्दिको माग अनुसारको प्रविधि मैत्री शिक्षा संगसंगै प्राविधिक र जिवनउपयोगि शिक्षा प्रदान गर्नुपर्ने सुझाव दिएका थिए ।
उप–प्राध्यापक गोबिन्द खनालको स्वागत मन्तब्य तथा प्राध्यापक रोमकान्त घिमिरेको सञ्चालनमा कार्यक्रम सम्पन्न भएको हो ।