हरि आचार्य कपिलवस्तु, चैत्र २८
विश्व महामारीको रुपमा फैलिएको कोरोना भाईरस (कोभिड १९) को संक्रमण फैलिन नदिन सरकारले लकडाउन घोषणा गरेसंगै गरिव, विपन्न तथा मजदुरीहरु संकटमा परेका छन् । स्थानिय तह, प्रदेश सरकार तथा अन्य सामाजिक संस्था भन्दा अघिनै गरिव, विपन्नको घरमा पुगि राहत बितरण गसिकेका नेपाल विद्यार्थी संघ (नेविसंघ) क्षेत्र नं.१ र नेपाल तरुण कपिलवस्तुले उक्त सामाजिक कार्यलाई निरन्तरता दिईरहेका छन् । हरेक गरिव, विपन्न तथा ज्याला मजदुरहरुको घाउमा मलम लगाउदै आएका नेविसंघ र तरुण दलले दुर्ब्यसनमा फसि सुधार केन्द्रमा राखिएका ३० जनालाई राहत सामग्री प्रदान गरेको छ ।
लागु औषधमा फसि उपचाररत राजेश आस्था फाउन्डेसनका व्यक्तिहरुलाई चामल, दाल, तेल, नुन, तरकारी, बिस्कुट र चाउचाउ वितरण गरिएको क्षत्रीय सभापति चन्द्रकान्त पोख्रेलले जानकारी दिए । त्यस्तै वाणगंगा १ उप्टहवा गाउँमा नगरपालिकामा सिफारिस नभएका तर अति बिपन्न्न परिवार र केही बाहिरी जिल्ला बाट आई डेरा गरि बस्ने विद्यार्थीलाई चामल दाल नुन तेल र तरकारी सहयोग गरिएको तरुण दल कपिलवस्तुका सभापति शक्ति सिंह ठकुरीले जानकारी दिए । कोठमा भाडामा बसी अध्ययन गर्ने विद्यार्थीहरु तथा गरिवहरु गरि १५ घर धुरिलाई राहत वितरण हस्तान्तरण गरिएको हो ।
राहत वितरणमा कार्यक्रममा नेपाल तरुण दलका जिल्ला अध्यक्ष शक्ति सिंह ठकुरी, नेविसंघ क्षेत्रीय सभापति चन्द्रकान्त पोख्रेल, क्षेत्रीय अध्यक्ष तिलक थापा नेविसंघका इकाई सभापति दिनेश क्षेत्रीको उपस्थिती रहेको थियो । वडा नं. १ का सदस्य सन्जु शारुको विशेष पहलमा हस्तान्तरण गरिएको थियो। नगरपालिका बाट कोठा भाडामा बस्ने विद्यार्थी बर्गहरु र अन्य ब्यक्तिहरु छुट्न गएको छ ती ब्यक्तिहरुलाई नेविसंघले आव्हान गर्दै सहयोग गर्दै हिडेको पाईन्छ।
लकडाउनको समयमा पनि नेविसंघ र तरुण दलका नेताहरु आफ्नो स्वास्थको पनि ख्याल नगरी जनताको सेवामा लागि परेको पाइएको छ । अरुबेला विद्यार्थीका हक र हितका नारा लगाउने संघठनहरु यो बेला निष्क्रिय रहेको बेलामा नेपाली कांग्रेसका भातृ संगठन नेविसंघ क्षेत्र नं. १ र तरुण दल कपिलवस्तुले उदाहरणिय कार्य गर्दै आएका छन् ।
