चिल्ड्रेन प्याराडाईजद्धारा अभिभावकलाई क्रियाकलापमा आधारित सम्बन्धी तालिम प्रदान

हरि आचार्य कपिलवस्तु, चैत २

चिल्ड्रेन प्याराडाईज ईङ्गलीस बोडिङ्ग स्कुलले वालविकासका विद्यार्थीहरुका अभिभावकहरुलाई क्रियाकलापमा आधारित सम्बन्धी तालिम प्रदान गरेको छ । विद्यार्थीहरुलाई पाठ्यक्रममा आधारित ज्ञान भन्दा २१ औँ शताब्दीको ज्ञानमा आधारित अतिरिक्त क्रियाकलाप संगसंगै अध्यापन गराउनुपर्ने उद्देश्यले उक्त कार्यक्रम आयोजना गरिएको विद्यालयले जनाएको छ ।

मायादेवी रिसोर्ट वैरियामा आयोजित कार्यक्रममा एबिआईका सिईओ ढुण्डीराज गिरी प्रमुख प्रशिक्षक रहनुभएको थियो । उहाँले अभिभावकहरुलाई प्रशिक्षण दिँदै संचार सम्बन्धी, संवाद गर्न सक्ने, व्यवस्थापकीय सम्बन्धी, नेतृत्व विकास, समुहमा काम गर्न सक्ने क्षमता, रचनात्मक, प्राविधिक, प्रस्तुतीकरण सम्बन्धी, अनुसन्धानात्मक तथा उद्यमशिलता सम्बन्धी ज्ञान जस्ता एक्काईसौँ शताब्दीका सीपहरुहको बारेमा स्पष्ट पार्नुभएको थियो । त्यस्तै प्रशिक्षक गिरीले वालवालिकाहरुले श्रव्य, दृश्य सामाग्रिहरुको प्रयोग गरि गर्दै सिक्ने खालको पठनपाठन प्रभावकारी हुने बताए । उनले विद्यालयले वालवालिकाहरुको शारिरीक, मानसिक, संवेगात्मक, सामाजिक लगायत सर्वाङगिण पक्षको विकास हुने खालको शैक्षणिक गतिविधि गर्नुपर्नेमा जोड दिए । प्रशिक्षक गिरीले वालवालिकाहरुको भविष्य शैक्षिक गतिविधिले मात्र निर्धारण नगर्ने भन्दै ज्ञान, सिप तथा सकारात्मक धारणा विकास गर्न सकियो भने उनीहरुको भविष्य समुज्जवल हुने बताएका थिए ।

प्रशिक्षक पछि अभिभावकहरुले यो तालिम प्रभावकारी रहेको भन्दै आफ्ना वालवालिकाहरुलाई र त्यसै अनुसार सिकाउने बताए ।

विद्यालयका प्रबन्ध निर्देशक विष्णु प्रसाद अर्यालले वालवालिकाहरुकलाई परम्परागत भन्दा आधुनिक प्रविधिको विकास संगसंगै परिवर्तनशिल बताउँने उद्देश्यले तालिम आयोजना गरिएको बताउनुभयो । उहाँले यस्ता खालका कार्यक्रमहरु आयोजना गर्दै जाने बताउनुभयो ।

त्यस्तै विद्यालयका प्रिन्सिपल केशव सापकोटाले कार्यक्रमको परिचय, उद्देश्य तथा बिषयवस्तुको बारेमा स्पष्ट पार्नुभएको थियो । करिव २ सय अभिभावकको उपस्थिती रहेको तालिम विद्यालयका प्रबन्ध निर्देशक विष्णु प्रसाद अर्यालको अध्यक्षता तथा मावि तह संयोजक टेकु केसीको सञ्चालनमा सम्पन्न भएको हो ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *