लुदस,बुटवल। विदेश जाने युवाहरूको बढ्दो क्रमबीच बुटवलकी रुचिका पोख्रेल भुसाल भने स्वदेशमै स्वास्थ्य सेवा व्यवसायमार्फत भविष्य निर्माण गर्न जुटेकी छिन्। उनले हालै बुटवल ८ श्रवणपथ हस्पिटल लाईनमा सञ्चालनमा ल्याएको “रुचिका हेल्थ क्लिनिक” ( मुटु रोग उपचार केन्द्र) बिरामीका लागी सहज र सुलभ रुपमा उपचार गर्ने ठाउँ बनेको छ ।
स्वास्थ्य विज्ञानमा फार्मेसीको अध्ययन पूरा गरेपछि वैदेशिक रोजगारीका धेरै अवसर पाएको भए पनि उनले नेपालमै बसेर सेवा दिन सके पढाइको वास्तविक अर्थ पूरा हुने बताइन्। “देशमा केही गर्न सकिँदैन भन्ने मानसिकता परिवर्तन गर्नु आवश्यक छ। सीप र मेहनत सही रूपमा लगानी गरे सफलता यहीं पनि सम्भव छ,” उनले भनिन्।
उनले अध्ययन पुरा गरेर ५ बर्ष बुटवलको निजी अस्पतालमा काम गरिन्। अनुभव, सीप र आत्मविश्वास बढ्दै जाँदा उनको एउटा सपना बोकिन् आफ्नै क्लिनिक, आफ्नै सेवा, र आफ्नै तरिकाले काम गर्ने स्वतन्त्रता।
२०८२ श्रावणमा मा उनले सानो, तर दक्ष सेवा दिने प्रतिबद्धता सहित क्लिनिक सुरु गरिन्। सुरुवातमा आर्थिक जोखिम, व्यवस्थापनको चुनौती र तिब्र प्रतिस्पर्दाका बावजुत उनको सेवा–मोडेल बिस्तारै प्रभावकारी बन्दै गयो—समयमै उपचार, पारदर्शी परामर्श, र ‘रोग होइन, मानिस केन्द्रित सेवा’।
अहिले क्लिनिकमा मुटुरोग उपचार, प्रसुती तथा महिला रोग उपचार ,बाल रोग उपचार, स्वास्थ्य परामर्श, र नियमित स्वास्थ्य जाँच जस्ता सेवा उपलब्ध छन्। क्लिनिक संचालनको केही महिनामै सेवाग्राहीको संख्या बढ्दै गएको क्लिनिक व्यवस्थापक कृष्ण पोख्रेलले बताएका छन्।
अहिले क्लिनिकमा जनरल फिजिसियन ( पेट,छाती,मुटु,नसा तथा मधुमेह रोग बिशेषज्ञ) डा.काशिराम बिश्वकर्मा,बालरोग बिशेषज्ञ डा.धनमाया घर्ति मगर र प्रसुति तथा स्त्रीरोग बिशेषज्ञ डा. बिपिन जयसवालले सेवा प्रदान गर्दे आएका छन् ।
सेवाग्राहीहरुले नजिकमै भरपर्दो स्वास्थ्य सेवा उपलब्ध भएपछि राहत पाएको प्रतिक्रिया दिएका छन्। “पहिला सानो जाँचका लागि पनि टाढासम्म जानुपर्थ्यो, अब नजिकै सुविधा खुलेपछि निकै सहज भएको छ,” एक सेवाग्राहीले बताए।
रुचिकाले आगामी वर्षसम्म क्लिनिकलाई डिजिटल रेकर्ड सिस्टम, निःशुल्क स्वास्थ्य शिविर, मोबाइल हेल्थ क्याम्प जस्ता कार्यक्रम मार्फत विस्तार गर्ने योजना बनाएकी छन्।
उहाँको पहलले स्वदेशमै अवसर खोज्ने युवाहरूका लागि प्रेरणादायी उदाहरण स्थापित गरेको स्थानीयबासीको भनाइ रहेको छ। उनी भन्छिन् बुबा,आमा र श्रीमानको सङ्घर्षले मलाई हौसला मिल्यो । दाजु भाईको अभिभावकत्व र प्रेरणाले गर्दा आज यो स्थानमा आएकी छु । आगामी दिनमा पनी सबैको साथ, सहयोग र सल्लाहले अगाढी बढ्ने उनले बताइन् ।
