लुदस
कपिलवस्तुमा क्रियाशील बाणगंगा वेलफेयर सोसाईटीलाई संस्थागत रूपमा उचाइमा पुर्याउन महत्वपूर्ण भूमिका निर्वाह गरेको भन्दै कार्यालय प्रमुख जनकराज पौडेल लाई सम्मान गरिएको छ।
सोसाईटीको छैटौं पदभार ग्रहण कार्यक्रमका अवसरमा आयोजित विशेष समारोहबीच नव निर्वाचित अध्यक्ष खड्ग बहादुर आले ले प्रशंसापत्रसहित पौडेललाई सम्मान गरेका हुन्।
कार्यक्रममा वक्ताहरूले बाणगंगा वेलफेयर सोसाईटीका सामाजिक गतिविधि तथा विभिन्न कार्यक्रमलाई सफल बनाउन पौडेलले खेलेको भूमिका उल्लेखनीय रहेको बताएका थिए। विशेषगरी सोसाईटीले आयोजना गरेको महोत्सव हरु सफल बनाउन उनले दिनरात खटिएर समन्वयदेखि व्यवस्थापनसम्मका अधिकांश जिम्मेवारी कुशलतापूर्वक सम्पन्न गरेको भन्दै प्रशंसा गरिएको थियो।
पौडेल बाणगंगा वेलफेयर सोसाईटीले आयोजना गरेको नवौं महोत्सवमार्फत संस्थामा आबद्ध भएका थिए। त्यसयता उनले संस्थाको प्रशासनिक तथा सामाजिक कार्यलाई प्रभावकारी रूपमा अघि बढाउन सक्रिय योगदान पुर्याउँदै आएका छन्।
स्नातक तह उत्तीर्ण गरिसकेका पौडेल हाल थप अध्ययनका लागि काठमाडौंमा अध्ययनरत रहेका छन्। अध्ययनको व्यस्तताका बाबजुद पनि संस्थालाई विशेष समय दिएर निरन्तर सहयोग गर्दै आएको भन्दै कार्यक्रममा सहभागीहरूले उनको खुलेर प्रशंसा गरेका थिए।
सम्मान ग्रहणपछि पौडेलले संस्थाले आफूलाई दिएको विश्वास र सम्मानप्रति आभार व्यक्त गर्दै आगामी दिनमा पनि सामाजिक कार्यमा सक्रिय रहने प्रतिबद्धता जनाएका थिए। कार्यक्रममा सोसाईटीका पदाधिकारी, सदस्य, शुभेच्छुक तथा स्थानीय व्यक्तिहरूको उपस्थिति रहेको थियो। विशेषगरि नि वर्तमान अध्यक्ष राजकुमार खाँण संगकोे सहकार्य र प्रेरणाले पौडेलको व्यक्तित्वमा समेत विकास भएको थियो ।
