काठमाडौं , असार २०
ओली पक्षको नेकपा एमालेका वरिष्ठ नेता माधवकुमार नेपाललाई फकाउने प्रयास सफल नभइ टुंिगएको छ । नेता नेपाल कांग्रेस सभापति शेरबहादुर देउवालाई प्रधानमन्त्री बनाउन गरेको हस्ताक्षर फिर्ता नलिने अडान राखेपछि सहमतिको प्रयास असफल भएको हो ।
एमालेले देउवाको पक्षमा गरेको हस्ताक्षर सोमबारसम्म फिर्ता लिन निर्देशन दिएको छ। सोमबार साँझसम्म हस्ताक्षर फिर्ता नलिए एकताको सम्भावना सकिने अध्यक्ष केपी शर्मा ओलीको चेतावनीपछि दोस्रो तहका नेताहरू सक्रिय भएका छन्। नेता नेपाललाई भेट्न कोटेश्वर पुगेका नेताहरूले अध्यक्ष ओलीसँग संवाद अघि बढाएर एकताको बिन्दु पहिल्याउन आग्रह गरेको सहभागी नेता सुवास नेम्वाङले जानकारी दिए।
प्रकाशित : २०७८ असार २०, आईतवार ०९:४४
