कपिलवस्तु । कपिलवस्तु नगरपालिका–१ स्थित गौडीचोकमा एक पुरुष मृत अवस्थामा फेला परेका छन्।
बुधबार दिउँसो साढे १२ बजेतिर कपिलमान बज्राचार्यको काजु होटलको किनारमा रहेको खाली जग्गामा अन्दाजी ४२ वर्षीय पुरुष मृत अवस्थामा फेला परेको जिल्ला प्रहरी कार्यालय कपिलवस्तुका प्रहरी नायब उपरीक्षक रिपेन्द्रकुमार सिंहले जानकारी दिए।
मृतकको पहिचान खुल्न सकेको छैन भने मृत्युको कारणसमेत हालसम्म यकिन हुन सकेको छैन। घटनाबारे थप विवरण प्राप्त हुन बाँकी रहेको छ।
प्रकाशित : २०८३ आश्विन २८, बुधबार १५:००
