काठमाडौं असार २०
सहमति भएको ४ महिना सम्म पनि सरकारले बेवास्ता गरेपछि नेत्रविक्रम चन्द विप्लव नेतृत्वको नेकपाका नेताहरु प्रधानमन्त्री केपी शर्मा ओली भेट्न बालुवाटार पुुगेका छन । बालुवाटार पुगेर सहमति कार्यान्वयन गर्नका लागि प्रधानमन्त्री ओलीलाई आग्रह गरेका छन् ।प्रधानमन्त्री ओलीसँग भेट्न खड्गबहादुर विश्वकर्मा, धर्मेन्द्र वास्तोला लगायतका नेताहरुले बालुवाटार पुगेका थिए ।
प्रधानमन्त्रीलाई भेटेर उनीहरुले बन्दी अवस्थामा रहेका नेताहरुलाई तुरुन्त रिहा गर्न आग्रह गरेका थिए ।सरकार र विप्लव समूहबीच २१ फागुन २०७७ मा तीनबुँदे सहमति भएको थियो।बालुवाटारबाट बाहिरिए लगत्तै पत्रकार सम्मेलन गर्दै नेकपाका नेता खड्कबहादुर विश्वकर्माले प्रधानमन्त्रीसँग भेटेर बन्दी नेता कार्यकर्तालाई तत्काल रिहा गर्न आग्रह गरेको बताए।उनले १० दिनभित्र पार्टीसँग भएको सहमति कार्यान्वयन गर्न आग्रह गरेको समेत बताए ।
