देउवा र प्रचण्डबीच बालुवाटारमा भेटवार्ता,असंवैधानिक नियुक्ति खारेज गर्न सहमति

ByLumbini Darpan Online

५ श्रावण २०७८, मंगलवार १२:०३ ५ श्रावण २०७८, मंगलवार १२:०३ ५ श्रावण २०७८, मंगलवार १२:०३

साउन ५

प्रधानमन्त्री शेरबहादुर देउवासँग आज नेकपा ९माओवादी केन्द्र० का अध्यक्ष पुष्पकमल दाहाल ‘प्रचण्ड’ले प्रधानमन्त्री निवास बालुवाटारमा भेटवार्ता गर्नुभएको छ । उहाँले सरकारलाई प्रभावकारी ढङ्गबाट अगाडि बढाउन छलफल थाल्नुभएको हो ।

त्यस क्रममा अध्यक्ष दाहालले सरकारको साझा न्यूनतम् कार्यक्रम बनाएर अगाडि बढ्ने विषयमा छलफल गर्नुभएको थियो ।उहाँहरूबिच गठबन्धनमा सहभागी दलको भावनाअनुसार साझा न्यूनतम कार्यक्रम बनाएर सरकारलाई गति दिने विषयमा छलफल भएको अध्यक्ष दाहालका प्रेस संयोजक विष्णु सापकोटाले जानकारी दिनुभयो ।

देउवासँगको भेटअघि अध्यक्ष दाहालले नेकपा ९एमाले० का वरिष्ठ नेता माधवकुमार नेपाल र जनता समाजवादी पार्टी नेपालका अध्यक्ष उपेन्द्र यादवसँग नेता नेपालको निवास कोटेश्वरमा छलफल गर्नुभएको थियो ।

नेता त्रयबीच भएको भेटमा केपी शर्मा ओली सरकारले असंवैधानिक ढङ्गबाट गरेका राजनीतिक नियुक्तिहरू खारेज गर्ने विषयमा छलफल भएको सापकोटाले जानकारी दिनुभयो स्रोत रासस

Facebook Comments Box

Leave a Reply

Your email address will not be published. Required fields are marked *