काठमाडौं ,भदौ १९

सरकारले भदौ २३ गते संघीय संसदको अधिवेशन बोलाउन राष्ट्रपतिलाई सिफारिस गरेको छ ।आज प्रधानमन्त्री निवास बालुवाटारमा बसेको मन्त्रिपरिषद् बैठकले भदौ २३ गते अपरान्ह ४ बजे संघीय संसदका दुवै सदनको बैठक बोलाउन राष्ट्रपति विद्यादेवी भण्डारीलाई सिफारिस गर्ने निर्णय गरेको हो ।

अहिले सरकारलाई ओली सरकारले ल्याएको बजेट प्रतिस्थापन गर्नका लागि संसद अधिवेशन आवश्यक परेको छ ।

यस्तै, प्रधानमन्त्री शेरबहादुर देउवालाई विवादास्पद एमसीसी समेत संसदबाट तत्कालै पारित गर्नुपर्ने हतारो छ । एमसीसीका उपाध्यक्ष फतिमा सुमार नेपाल आउनुअघि नै देउवाले एमसीसी पारित गरेर अमेरिकासँग नजिक हुन चाहेका छन् ।