असोज २१
नेकपा एमालेका स्थायी कमिटी सदस्य छविलाल विश्वकर्माले पार्टीबाट अलग भएर गएकाहरुले अलग हुनुको कारण पुष्टि गर्न नसकेको बताउनु भएको छ ।
व्यक्तिगत स्वार्थका आधारमा पार्टीलाई कमजोर बनाउन माधव नेपालले खेलेको भुमिकाकै कारण केही व्यक्तिहरु फरक दल बनाएर बाहिरिए पनि त्यसले एमालेलाई कुनै प्रभाव नपरेको उहाँले दावी गर्नु भयो ।
एमालेलाई कमजोर बनाउछु भन्नेहरु आफै परास्त भएर गएको वताउदै विश्वकर्माले भन्नू भयो,नेपाली राजनीतिको केन्द्र विन्दु भनेकै एमाले हो । मजबुत र शक्तिशाली एमाले कहिल्यै कमजोर बन्दैन ।
नेपालको कम्युनिष्ट आन्दोलनलाई नेतृत्व प्रदान गर्ने शक्ति एमाले भएकाले अलग भएर गएकाहरु एक दिन एमालेमै फर्कने बताउँदै उहाले एमाले अबका दिनमा थप सुदृढ हुँदै गएको ठोकुवा गर्नु भयो ।
भर्खरै सम्पन्न पार्टीको प्रथम विधान महाधिवेशनले एमालेलाई उर्जा मिलेको उल्लेख गर्दै विश्वकर्माले भन्नु भयो, एमाले आगामी दिनमा एकतावद्ध र शसक्त रुपमा अघि बढछ ।
पार्टीको तिलोत्तमा (९ ,शाखा कमिटीको आयोजनामा भएको अगुवा कार्यकर्ता भेलालाई सम्बोधन गर्दै विश्वकर्माले केही व्यक्तिहरु पार्टीबाट बाहिरिए पनि विभिन्न रुपमा त्यसको शोध भर्ना भएको बताउनु भयो ।
शाखा कमिटीका अध्यक्ष हरि प्रसाद पाण्डेको अध्यक्षता,कृष्ण पोख्रेलको संचालन र रुपा न्यौपानेको स्वागतमा भएको भएको भेलामा पार्टीका लुम्बिनी प्रदेश कमिटीका सदस्य कविराम अर्याल, जिल्ला सचिव तथा तिलोत्तमा नपा का उपप्रमुख जागेश्वर देवी चौधरी, पार्टी जिल्ला सचिवालय सदस्य एवम तिलोत्तमा नगरका प्रमुख बासुदेव घिमिरे लगायतले बोल्नु भएको थियो ।
भेलाबाट युवा संघ , अनेमसंघ लगायतको वडा स्तरीय जनसंगठन गठन गरिने शाखा कमिटी अध्यक्ष हरि प्रसाद पाण्डेले जानकारी दिनु भयो ।
