रुपन्देही
नेपाली कांग्रेस लुम्बिनी प्रदेश नेतृत्वको लागि भैरहवामा सम्पन्न मतदानमा १ हजार ६ सय ३१ मत खसेको छ।
विहिबारदेखि सुरु भएको अधिवेशन अन्तर्गत सनिवार विहान ८ बजेदेखि मतदान सुरु गर्ने भनिएपनि ११ बजेपछि मात्र मतदान कार्य सुरु गरिएको थियो।
गृहमन्त्री समेत रहेका नेपाली कांग्रेसका केन्द्रिय सदस्य बालकृष्ण खाणले पहिलो मतदान गरेर मतदान सूरु गरेका थिए।
लुम्बिनी प्रदेशका सबै जिल्लाहरु प्रदेश प्रतिनिधि र महाधिवेशन प्रतिनिधि गरि १ हजार ६ सय ४८ जना प्रतिनिधि रहेकोमा १ हजार ६ सय ३१ मत खसेको निर्वाचन समितिका संयोजक डा. बुद्धबहादुर थापाले बताए।
भैरहवास्थित महेन्द्र सभागृहमा भईरहेको मतदानका लागि पार्टीको देउवा पक्ष र पौडेल पक्षले प्यानल बनाएर गरेर चुनावी मैदानमा छन्।
देउवा समुहबाट प्रतिनिधीसभामा सार्वजनिक लेखा समितिका संयोजक भरतकुमार शाह नेतृत्वको प्यानल र पौडेल समुहबाट रोल्पा कांग्रेसका निवर्तमान जिल्ला सभापती अमरसिंह पुनको नेतृत्वमा प्यानल बनाएरका छन्।
शाहलाई गृहमन्त्री एवं कांग्रेस नेता बालकृष्ण खाण र पुनलाई चन्द्र भण्डारी, सन्जय गौतम र दिपक गिरीको समर्थन रहेको छ।
रुपन्देही तथा विभिन्न जिल्लाहरुमा सम्पन्न अधिवेशनहरुमा भएका घटनालाई मध्यनजर गरि मतदान भईरहेको महेन्द्र सभागृहस्थलमा कडा सुरक्षा व्यवस्था अपनाईएको छ।
प्रादेशिक संरचना अनुसार पहिलो पटक भईरहेको प्रदेश अधिवेशनलाई सफलता पुर्वक सम्पन्न गर्न गृहमन्त्री खाण आफै विगत चारदिन देखि रुपन्देहीमै छन्।
