कृष्ण पोखरेल
पाल्पा १२ माघ
स्कुटी र ट्याक्टर एक आपसमा ठोक्किदा स्कुटरमा रहेकी महिलाको मृत्यु भएको छ । आज दिउँसो तानसेन नगरपालिका –७ बर्तुङ्गमा तानसेनदेखि बुटवलतर्फ जाँदै गरेको लु ३ त ४३१५ नम्वरको ट्याक्टर र लु ४४ प १६१९ नम्वरको स्कुटर ठोक्किदा पछाडी बसेकी महिलाको मृत्यु भएको हो ।
मृत्यु हुनेमा स्कुटरमा पछाडी सवार रहेकी माथागढी गाउँपालिका वडा नंं. ३ सराइकी ५५ वर्षीया कान्तिश्वरा गाहाँ रहेको प्रहरीले जनाएको छ । दुर्घटनामा परी घाइते भएकी गाहाँ लाई उपचारका लागि लुम्बिनी मेडिकल कलेज प्रभासमा लगिएकोमा उनको अस्पतालमै मृत्यु भएको हो । स्कुटर चालक मृतक गाहाका श्रीमान यमबहादुर गाहाँ भने सकुशल रहेका छन । स्कुटर ट्याक्टरको पछाडीको ट्रलिमा ठोक्किन जाँदा पछाडीको टायरले महिला किचिएको घटनाको थप अनुसन्धान भइरहेको प्रहरीले जनाएको छ ।