नेपाली कांग्रेसको केन्द्रीय समिति बैठकले ३७ सदस्यीय केन्द्रीय कार्यसम्पादन समिति गठन गरेको छ । शुक्रबार बसेको केन्द्रीय समितिको भर्चुअल बैठकमा देउवाले राखेको प्रस्ताव सर्वसम्मतिबाट पारित भएको हो । पार्टीको विधानअनुसार १३ जना पदाधिकारीहरु स्वतः कार्यसम्पादन समितिमा हुनेछन् । त्यसबाहेक वरिष्ठ नेता रामचन्द्र पौडेल, शेखर कोइराला, गोपालमान श्रेष्ठ, प्रकाशमान सिंह, विमलेन्द्र निधि, विजयकुमार गच्छदार, कृष्णप्रसाद सिटौला, शशांक कोइराला, चित्रलेखा यादव, रामशरण महत, अर्जुननरसिंह केसी, प्रकाशशरण महत, सुनिलबहादुर थापा सदस्य छन् । त्यसैगरी बलबहादुर केसी, बालकृष्ण खाण, ज्ञानेन्द्रबहादुर कार्की, उमा रेग्मी, रमेश रिजाल, नारायण खड्का, जिपछिरिङ लामा, सुजाता कोइराला, एनपी साउद, जीवनबहादुर शाही र आनन्द ढुंगाना कार्यसम्पादन समिति रहनुभएको छ । पार्टीका कोषाध्यक्ष र प्रवक्ता चयन हुन बाँकी छ । उनीहरु पनि कार्यसम्पादन समितिको पदेन सदस्य रहने व्यवस्था कांग्रेसको विधानमा उल्लेख छ ।
