लुदअ, कपिलवस्तु
नेपाल कम्युनिष्ट पार्टी (एमाले) का अध्यक्ष केपी शर्मा ओलीले गठबन्धन मात्रै होईन मुलुकका सबै राजनैतिक दलको महागठबन्धन निर्माण गरे पनि नेकपा एमालेलाई परास्त गर्न नसक्ने बताएका छन् । एमाले जिल्ला कमिटि कपिलवस्तुद्धारा आयोजित पार्टी प्रवेश तथा वृहत जनसभालाई सम्बोधन गर्दै अध्यक्ष ओलीले एमालेले देशलाई डिजिटर आधुनिक नेपाल निर्माण गर्ने बताए । ओलीले सत्तारुढ दल प्रति संकेत गर्दै बैसाखी टेकेर एमाले सँग लड्न नसकिने भन्दै एमालेलाई हराउन चुनौती दिए । उनले एमालेको विजय देशको आर्थिक सामाजिक उन्नतीको लागि हुने बताए ।
हुलाकी राजमार्ग, सीमा जोड्ने सडक, पूर्वपश्चिम राजमार्ग चौडा गर्ने कार्य, भैरहवा अन्तराष्ट्रिय विमानस्थल, पोखरा विमान स्थल, देशमा तुईन विस्थापन जस्ता देश विकासको योजना आफ्नो पालामा भएको दाबी गरे ।
कार्यक्रममा संघीय सांसद वृजेश कुमार गुप्ता स्वतन्त्र समूहबाट सूर्य चिन्ह लिएर कपिलवस्तु क्षेत्र नं. २ बाट निर्वाचित गुप्ता एमाले प्रवेश गरेका छन् । कपिलवस्तु नगरपालिका तौलिहवामा आयोजित वृहत् सभा तथा पार्टी प्रवेश कार्यक्रममा गुप्ताका हजारौँ समर्थक नेता कार्यकर्ता एमाले प्रवेश गरेका हुन् ।
गुप्ता सँगै लुम्बिनी प्रदेश सभा सदस्य धर्म बहादुरलाल श्रीवास्तव, कपिलवस्तु नगरपालिकाका पूर्व नगर प्रमुख रामदास गुप्ता, पूर्व उपमेयर वासुदेव कशौधन, कपिलवस्तु नगरपालिका वडा नं. १ वडाध्यक्ष सुदिप पौडेल, वडा नं. ४ वडाध्यक्ष रवीन्द्र त्रिपाठी, वडा नं. १२ का वडाध्यक्ष ओम प्रकाश पाण्डे, बुद्धभूमि नगरपालिका वडा नं. ६ वडाध्यक्ष नन्दलाल यादव, यशोधरा गाउँपलिका वडा नं. ८ अध्यक्ष साहवुद्धिन मुसलमान र खेमराज शर्मा एमाले प्रवेश गरेका छन् । सांसद गुप्ता ७ हजार कार्यकर्ता सहित प्रवेश गरेका छन ।
यसैगरी कृष्णनगर नगरपालिकामा युवा नेता कुनाल प्रताप शाह ३ हजार कार्यकर्ता सहित एमाले प्रवेश गरेका छन् । विभिन्न राजनीतिक दल नेपाली काँग्रेस, जनता समाजवादी पार्टी, माओवादी केन्द्र राप्रपा लगाएतबाट एमाले प्रवेश गरेका थिए ।
पार्टीका उपाध्यक्ष विष्णु पौडेलले एमालेको खवरदारी कै कारण स्थानीय तह निर्वाचनको मिति घोषणा भएको बताए । यस्तै एमाले महासचिव शंकर पोख्रेलले आगामी दशकहरुमा केपी ओलीको परिकल्पना अनुसार नेपालको विकास हुने विश्वास व्यक्त गरे । कार्यक्रममा बोल्दै एमाले सचिव टोप बहादुर रायमाझीले एमालेले देशमा सम्बृद्धीको आधारशिला खडा गरेको कारण विपक्षीहरु डराएको समेत दाबी गरे ।
फोटोफिचर
