नगेन्द्र केसी
रुपन्देहीको शुद्धाेधन गाउँपालिका गाउँ कार्यपालिका कार्यालयकाे आयोजनामा राष्ट्रिय शिक्षा दिवसको अवसरमा विभिन्न बिद्यालयका विद्यार्थी सम्मानित भएका छन ।
समावेसी र सिपमूलक शिक्षा, स्वदेशमै युवा राष्ट्रको इच्छा”काे मुल नाराका साथ राष्ट्रिय शिक्षा दिवसको अवसरमा यस शुद्धोधन गाउँपालिका स्थित सामुदायिक तथा संस्थागत विद्यालयमा शैक्षिक सत्र २०७९ को आधारभूत तह उत्तीर्ण परीक्षा कक्षा ८ माघयिमक शिक्षा परीक्षा (एसइइ २०७९ तथा माथिमक शिक्षा उत्तीर्ण परीक्षा (एसएलसी २०८० मा सम्मिलित विद्यार्थीहरु मध्येबाट उत्कृष्ट अंक (जि,पि,ए,) प्राप्त गर्ने र गाउँपालिका स्तरीय अन्तर विद्यालय चित्रकला प्रतियोगितामा भाग लिएका विद्यार्थीहरुलाई सम्मानित तथा पुरस्कार वितरण कार्यक्रम एक समारोहबीच सम्मानित भएका हुन ।
शुद्धाेधन गाउँपालिका अध्यक्ष विष्णुप्रसाद बस्यालकाे अध्यक्षतामा र जिल्ला समन्वय प्रमुख उमाकान्त चापागाईकाे प्रमुख आतिथ्यतामा भएको कार्यक्रममा पालिकाका सामुदायिक तथा संस्थागत बिद्यालयका बालबालिकालाई सम्मानपत्र सहित नगद पुरस्कार वितरण गरिएको थियोे।
जिल्ला समन्वय प्रमुख उमाकान्त चापागाईले शिक्षा क्षेत्रको विकासका लागि शिक्षा पेशामा सलग्न शिक्षकहरुले राजनीतिक गर्नु नहुनेमा आग्रह गर्दै यसले शिक्षण संस्था र शिक्षाको गुणस्तरमा असर गर्छ र शिक्षाको महत्वले मानव जिवनका सबै क्षेत्रमा असर गर्ने भएकाले यसलाई गुणस्तरिय र सर्व सुलभ वनाउन सबैको दायित्व उत्तिकै महत्वपुर्ण रहेको सभाका प्रमुख अतिथि चापागाईंले बताउनुभयो।शुद्धाेधन गाउँपालिका अध्यक्ष विष्णुप्रसाद बस्यालले शिक्षाको गुणस्तरमा सुधार ल्याउन पाठ्यक्रम, शिक्षा नीति, शिक्षण पद्धति, परीक्षा प्रणालीमा सुधार ल्याउने काम भएको र शिक्षाको उपलब्धिको मापन गर्ने कार्य अघि बढेको, विद्यालय क्षेत्रलाई व्यवस्थित बनाउन शुद्धाेधन गाउँ कार्यपालिका लागि परेको अध्यक्ष बस्यालले बताउनुभयो।
उक्त कार्यक्रममा फर्साटिकर माविका शिक्षक अभिभावक संघ अध्यक्ष रोमाकान्त अधिकारी,बेलवा आधारभुत विद्यालयका ब्यवस्थापन समिती अध्यक्ष शम्भु चौधरी,शुद्धाेधन शिक्षा समिती सदस्य इन्द्र क्षेत्री,शुद्धाेधन २ का वडा अध्यक्ष कमल खड्का क्षेत्री,शुद्धाेधन ५ का वडा अध्यक्ष चन्द्रभान चौधरी लगायतले शुभकामना मन्तव्य दिनुभएको थियो। शिक्षा तथा सामाजिक विकास समिती अध्यक्ष तथा वडा न.४ का अध्यक्ष केशब प्रसाद अधिकारीकाे स्वागतमा र शुद्धाेधन गाउँपालिका शिक्षा शाखा प्रमुख चन्द्रकान्त शर्माको सञ्चालनमा साे कार्यक्रम सम्पन्न भएको थियो।
