हरि आचार्य, कपिलवस्तु
नेकपा (एमाले) बाणगंगा नगर कमिटीको दोस्रो अधिवेशनको तयारी तिब्र पारिएको छ । भदौ ७ गते सिद्धार्थ क्याम्पसमा हुन गईरहेको दोस्रो अधिवेशनको तयारी तिब्र बनाईएको हो । आज बसेको नेकपा (एमाले) बाणगंगा नगर कमिटीको नवौं पुर्ण बैठकले विभिन्न महत्वपुर्ण निर्णय सहित तयारी अन्तिम चरणमा पुगेको नगर कमिटीका अध्यक्ष युवराज पोख्रेलले जानकारी दिनुभयो ।
नवौं पुर्ण बैठकले भदौ १ गते ११ बजे ११ वटै वडामा अधिवेशनका प्रतिनिधि छनौट गर्ने कार्यक्रम तय गरेको छ । अधिवेशनका लागि खुल्ला तर्फबाट २७ सय ६२ पार्टी सदस्य मध्ये २५ जना बराबर एक जनाका दरले प्रतिनधि छनौट गर्ने, १ सय २९ जना दलित सदस्य मध्ये १५ जना बराबर १ जना प्रतिनिधि छनौट गर्ने, छनौट हुने ३ जना प्रतिनिधि मध्ये १ जना महिला प्रतिनिधि अनिवार्य हुनुपर्ने, कुल प्रतिनिधि संख्याको १५ प्रतिशत युवा अनिवार्य प्रतिनिधि हुनुपर्ने र नगर कमिटीमा रहेका ८० जना आयोजक प्रतिनिधिको रुपमा रहने व्यवस्था भएको छ ।
अधिवेशनको उद्घाटन संघिय सरकारका भूमि, व्यबस्था, सहकारी तथा गरिबी निवारण मन्त्री बलराम अधिकारीले गर्ने तय भएको नगर कमिटी सचिव बिष्णु गिरीले जानकारी दिनुभएको छ ।
अधिवेशन सफलता पुर्वक सम्पन्न गर्नका लागि तयारी स्वरुप विभिन्न उप समितिका संयोजकको जिम्मेवारी प्रदान गरिएको छ । प्रतिनिधि जाँचबुझ र व्यबस्थापन उप समितिको संयोजकमा नगर कमिटी सचिव बिष्णु गिरी, खाद्यान्न ब्यस्थापन उप समितिको संयोजकमा नगर कमिटी उपाध्यक्ष मुक्त बहादुर कार्की, मञ्च ब्यबस्थापन उप समितिको संयोजकमा कृष्ण बहादुर विक, स्टेशनरी तथा खादा ब्यबस्थापन उप समितिको संयोजकमा नगर कमिटी उप सचिव चेत नारायण भण्डारीलाई जिम्मेवारी प्रदान गरिएको छ ।
त्यस्तै आर्थिक ब्यबस्थापन उप समितिको संयोजकमा नगर कमिटी अध्यक्ष युवराज पोख्रेलको संयोजक रहने गरि सदस्यमा नगर कमिटीका पदाधिकारी रहने छन् ।
बैठकले अधिवेशनका लागि राजनैतिक प्रतिवेदनको जिम्मेवारी नगर कमिटी अध्यक्ष युवराज पोख्रेल, सांगठनिक प्रतिवेदन सचिव बिष्णु गिरी तथा आर्थिक प्रतिवेदन उप सचिव चेतनारायण भण्डारीलाई प्रदान गरिएको छ ।
बैठकका प्रमुख अतिथि नेकपा (एमाले) केन्द्रिय सदस्य तथा कपिलवस्तु ईन्चार्ज गिरधारीलाल न्यौपानेले एमाले प्रति जनविश्वास बढ्दो रहेको बताउँदै नागरिकका आवश्यकता पुरा गर्नुपर्नेमा जोड दिनुभयो । उहाँले अधिवेशन सफलता पुर्वक सम्पन्न गर्नका लागि सबै नेता तथा कार्यकर्ता लाग्नुपर्नेमा जोड दिनुभयो ।
नेकपा (एमाले) बाणगंगा नगर कमिटीका अध्यक्ष युवराज पोख्रेलको अध्यक्षता रहेको बैठकमा पार्टी जिल्ला कमिटी कपिलवस्तुका अध्यक्ष बाबुराम खनाल, निवर्तमान अध्यक्ष डम्मर शर्मा, पुर्व जिल्ला अध्यक्ष झविलाल पोख्रेल, एमाले नेता बिष्णु पन्थी, प्रदेश कमिटी सदस्य धनु अधिकारी, केन्द्रिय सल्लाहकार परिषद सदस्य कासिराम बेल्बासे लगायतको अाितथ्यता रहेको थियो ।
बैठकमा बाणगंगाका ११ वटै वडाका पार्टीका वडा ईन्चार्जहरु, ११ वटै वडाका वडा कमिटी अध्यक्षहरु उपस्थिती रहेको बैठक नगर कमिटी सचिव बिष्णु गिरीको सञ्चालनमा सम्पन्न भएको हो ।
