लुदस, काठमाडौँ
प्रधानमन्त्री तथा नेकपा एमालेका अध्यक्ष केपी शर्मा ओलीले रास्वपाका नेता कार्यकर्ताले राजनीतिक व्यवहार र संस्कार नदेखाएको टिप्पणी गरेका छन्।

ललितपुरको च्यासलस्थित पार्टी कार्यालयमा आइतवारको केन्द्रीय सचिवालय बैठकमा उनले रास्वपा सभापति रवि लामिछाने पक्राउ परेपछि रास्वपा नेता कार्यकर्ताले सरकार र आफूविरुद्ध तमासा देखाएको र त्यस्तो तमासा राजनीतिक संस्कार नभएको टिप्पणी गरेका हुन्।

संसदीय छानबिन समितिको प्रतिवेदन सरकारले कार्यान्वयन गरेको र लामिछाने दोषी भए नभए फैसला अदालतले गर्ने भन्दै उनल हुलहुज्जत र गाली गरेर राजनीतिक संस्कार कायम नहुने बताएका छन्।

योजना बनाएर नै एमालेविरुद्ध चौतर्फी आक्रमण गर्न रास्वपाका नेता कार्यकर्ता सडकमा उतारिएकाले यसबारे सावधान हुनुपर्ने प्रधानमन्त्री ओलीले बैठकमा बताए।