मानव तस्करको माध्यम फेसबुकलाई बनाएको पाइएको छ । फेसबुकबाट चिनजानका आधारमा छ जना किशोरीहरूलाई भारत तर्फ लैजान प्रयास गर्दै गर्दा बेलहिया नाकाबाट फर्काएको छ । उनीहरूलाई १० हजार तलबको प्रलोभन पारी लैजान लागिएको अनुसन्धानबाट खुलेको हो ।माइती नेपाल आवधिक गृह भैरहवा र इलाका प्रहरी कार्यालय बेलहियाको संयुक्त पहलमा ती ६ जना किशोरीहरूलाई बेलहिया नाकाबाट उद्वार गरेको छ । भारतको राजस्थान जोतपुरमा काम लगाइदिने भन्दै लैजादै गरेको अवस्थामा ती किशोरीहरूलाई उद्वारगरी भैरहवा स्थित माइती नेपालको कार्यालयले अभिभावकलाई जिम्मा लगाएको छ । रूपन्देही सहित कपिलवस्तु, गुल्मी, सिन्धुली लगायतका जिल्लाका किशोरीहरूलाई आफन्त बनेर १० हजार भारतीय रुपियाँ तलब पाउने भन्दै भारत लगिदै थियो । शंकास्पद देखिएपछि उनीहरूलाई भैरहवा फिर्ता गरिएको माइती नेपाल भैरहवाकी प्रमुख माया क्षेत्रीले बताईन् ।

झाडुपोछा तथा बिरामीको हेरचाहको काम गर्ने भन्दै १५, १७, १८ बर्षका किशोरीहरू अभिभावकको सल्लाहमै त्यसतर्फ जान लागेको ती किशोरीहरूले बताएका छन् । फेसबुकबाट चिनजानका आधारमा ती किशोरीहरूलाई भारत तर्फ लैजान प्रयास गरिएको थियो ।राजस्थानमा एकजना दाईले व्यवस्थापन गर्ने भन्ने नाटक गरिएको थियो । जानका लागि टिकट बापत लाग्ने खर्च समेत उतै भारतबाट काटेर पठाएको पनि ती किशोरीहरूले बताएका छन ।नेपालबाट मान्छे पठाए बापत प्रतिव्यक्ति १ जनाको १ हजारको दरले कमिशन पनि उनले लिएको बताएकी छन । उनीहरूलाई प्रहरी तथा सन्चारकर्मीको रोहबरमा माइती नेपालको आवधिक गृहमा राखेर अभिभावकको जिम्मा लगाइएको छ ।