रुकुम पश्चिममा एक महिला अनलाईन ठगीको सिकार बनेकी छन्। केही दिन अगाडी रुकुम पश्चिमको सानीभेरी गाउँपालिका ९८ तल्लो आमडाँडाकी २५ वर्षीया जमुना रसाईली लाई सामाजिक सञ्जालमा दश लाख रुपैयाँको गिफ्ट पाएको अपरिचित व्यक्ति बाट जानकारी आउँछ । उनलाई अनलाईन ठगीको प्रलोभनले मन तान्छ । कुराकानी गर्दै गर्दै जादा जमुनालाई ती व्यक्तिले केही रकम पहिले जम्मा गरेपछि गिफ्ट बापत ८ लाख रुपैयाँ पाउने जानकारी गराउँछ ।उनीहरुको कुराकानी बढ्दै जाँदा बारगेनिङ गरेर जमुनाले आफु सँग भएको गरगहना , नगद जम्मा गरेर ३ लाख रुपैयाँ पठाउँछिन अपरिचित व्यक्तिलाई रकम पठाएको केही समयमै उनलाई ब्लग गरिन्छ ।
गिफ्ट पाउन लोभमा उनले आफुलाई ठगिरहेको थाहा नपाएपछी तनाब लिएर उनी घर बाट निस्किन पछिल्लो दिन घर नजिकै मृत अवस्थामा फेला परिन्। उनको श्रीमान रोजगारीका लागी भारतमा गएका छन्। श्रीमान् विनोद विकलाई फोन गरेर आफू ठगिएको बारेमा जानकारी गराएर उनी मृत फेला परेकी छन । शुक्रवार उनको घर नजिकैको जंगलमा शव फेला परेको हो ।
जिल्ला प्रहरी प्रमुख प्रहरी नायव उपरीक्षक प्रमेश विष्टले शुक्रवार बिहान आफ्नो घर देखि नजिकैको स्याला भन्ने जङ्गलमा जमुना झुण्डिएको अवस्थामा मृत फेला परेको जानकारी दिए । उनका अनुसार अनलाईन ठगीको कुनै निवेदन नपरेको र प्रहरीले घटनाबारे थप अनुसन्धान गरिरहेको छ । आफ्नै सलले पासो लगाएर झुन्डिएको अवस्थामा भेटिएकी उनले आत्महत्या गरेको हुनसक्ने आशंका गरिएको छ । जमुना अनलाइन गिफ्टको नाममा हुने ठगीमा परेर तीन लाख रुपैयाँ डुबेपछि तनावमा रहेको पारिवारिक स्रोतले बताएको छ । उनलाई १० लाख बराबरको गिफ्ट परेको म्यासेज आएपछी जमुनाले ३ लाख रुपैयाँ दिएकी थिइन्। उनले पैसा पठाउना साथ ब्लग गरिएको थियो ।
आफु सँग भएको गरगहना र नगद अपरिचित व्यक्तिको खातामा जम्मा गरेपछि उनलाई ब्ल्क गरिएको परिवारले जनाएको छ । जमुना उनका सासुससुरा सँगै बस्दै आएकी थिईन्। पछिल्लो समय नेपालमा सामाजिक सञ्जाल फेसबुक, मेसेन्जर, ह्वाट् एप, ईमेल लगायतबाट लोभ देखाएर ठगी गर्ने क्रम अझै रोकिएको छैन । त्यस्ता गिरोहले , गिफ्ट, चिठ्ठा र पार्सल पठाइदिन्छु भन्दै लाखौँ नगद ठगी गर्दै आएको छ । बिभिन्न प्रलोभन देखाई ठगी गर्ने र त्यसपछी धेरैले आत्महत्या गर्नेको सङ्ख्या बढ्दै गएको छ । साइबर ब्युरोका अनुसार सामाजिक सञ्जाल फेसबुकका कारण सबैभन्दा बढी पीडित भएका उजुरी दर्ता हुने गरेका छन् ।