रुपन्देहीको मायादेबी गाउँपालिकामा आज अज्ञात समूहको गोली प्रहारबाट एक जनाको ज्यान गएको छ । जिल्लाको मायादेवी गाउँपालिका वडा नम्बर २ का २९ वर्षिय राकेशसिंह लोधको गोलि प्रहारबाट ज्यान गएको हो ।
जिल्लाको मायादेवी गाउँपालिका वडा नम्बर २ का २९ वर्षीय राकेशसिंह लोधको मृत्यु भएको अवस्थामा शव फेला परेको जिल्ला प्रहरी कार्यालय रुपन्देहीका सूचना अधिकारी डिएसपी सुरज कार्कीले बताए । उनका अनुसार घरको बरन्डामा आज बिहान ८ः१५ बजे रगताम्मे अवस्थामा लोधको शव भेटिएको थियो । स्थानीयले खबर गरेपछि प्रहरी घटनास्थल पुग्दा लोधको मृत्यु भइसकेको अवस्थामा फेला परेको उनले बताए ।
स्थानीयले मध्यराती गोली चलेको आवाज सुनेको र मृतक लोधको टाउकोबाट रगत बगिरहेकाले गोली प्रहारबाटै मृत्यु भएको प्रारम्भिक अनुसन्धानबाट देखिने डीएसपी कार्कीले बताए । घटना बारे थप अनुसन्धान भईरहेको उनले बताए । कार्कीले आँखाको माथि निधार र कन्चटमा चोट लागेको देखिएको पुष्टि गरे ।
शव पोष्टमार्टमाका लागि भैरहवास्थित भीम अस्पताल पठाइएको छ । घरमा एक्लै बस्दै आएका लोध खेती किसानी र्ने गरेको र उनको घरायसी कारणले हत्या भएको हुन सक्ने स्थानीयले जानकारी दिएका छन ।