विनोद परियार /लुदस
राष्ट्रिय जनमोर्चाले यही चैत २४ गतेदेखि राजधानी काठमाडौँमा संघीयताविरुद्ध आन्दोलन सञ्चालन गर्दैछ । सो आन्दोलनको तयारी र प्रचारका लागि आज राष्ट्रिय जनमोर्चा कपिलवस्तुले जिल्लाको विभिन्न स्थानमा मोटरसाईकल र्याली र कोणसभा गरिरहेको छ । कपिलवस्तुको पिपराबाट शुरुभएको मोटरसाईकल र्याली ४ नं, बोडगाँउ , बनगाई गोरुसिंगे बुढ्ढि चोकमा पुगेको छ भने पश्चिमतिर का मुख्य मार्गका चोकहरुमा यतिबेला कोणसभा, पर्चा वितरण लगायत प्रचार प्रसारका कार्यक्रम चलिरहेको छ ।
कोणसभामा राष्ट्रिय जनमोर्चाका जिल्ला अध्यक्ष राम प्रसाद बेल्वासे, नेपाल मजदुर किसान संघका केन्द्रिय उपाध्यक्ष शिव पौडेल ने.कपा मसालका जिल्ला प्रवक्ता माधव भाट क्षेत्री , संघियता विरुद्धको मोर्चा का जिल्ला संयोजक पिताम्बर खनाल लगाएतका नेताहरुले संम्बोधन गरिरहनुभएको छ । यहि चैत्र २४ गते काठमाण्डौ मा प्रदेश खारेजी, संघियता खारेजीको आन्दोलनका लागि सवैलाई सहयोग सहकार्य गर्न र देश डुबाउने संघियता विरुद्ध आ–आफ्नो स्थानबाट सवै लाग्नुपर्नेमा नेताहरुको जोड छ ।
यस अगाडी पनी मोटरसाईकल र्याली जनभेटघाट, आर्थिक संकलन लगाएतका तयारी पुरा भएको जिल्ला सदस्य शिद्धि आचार्यले जानकारी दिनुभयो ।
भेटघाटका क्रममा जनताले संघीयता मन नपराएको र त्यसविरुद्ध हुने आन्दोलनलाई सहयोग गर्न तयार रहेको राजमो नेताहरू बताउँछन् । संघीयताले अनावश्यक प्रशासनिक खर्च बढाएको, विकास रकम कटौती गरेको, कर बढाएको र देशैभरी भुरे टाकुरे भीआईपीहरू सिर्जना गरेको स्थानीयको बुझाई छ ।
राजमोले सञ्चाल गर्न लागेको संघीयताविरुद्धको आन्दोलनको प्रचार स्वदेशमा मात्र नभइ प्रवासमा समेत उस्तै चलिरहेको छ ।
भारतमा मूल प्रवाह अखिल भारत नेपाली एकता समाजले विभिन्न सहरहरूमा प्रचारात्मक कार्यक्रम गरिरहेको छ भने मूलप्रवाहका कैयौँ कार्यकर्ता आन्दोलनका लागि स्वदेश फर्किएका छन् ।
यसैगरी संसारका अन्य देशहरूमा समेत प्रवासी नेपालीले संघीयताविरुद्ध आन्दोलनप्रति ऐक्यवद्धता जनाएका छन् ।
राजमोले चैत २४ गतेदेखि सञ्चालन गर्न लागेको संघीयताविरुद्धको आन्दोलनका लागि तयारी गरिरहेको छ । प्रचारप्रसार, आथिर्क संकलनलगायत व्यवस्थापनको तयारी भइरहेको राजमो केन्द्रीय कार्यालयले जनाएको छ ।
कायक्रमको प्रचारका लागि रक्तिम सांस्कृति अभियानका कलाकारहरूले समेत यही चैत १५ देखि सडक सांस्कृतिक कार्यक्रम गर्दैछन् ।
