प्रतिनिधि सभाको आईतबारको बैठकमा पत्तापक्ष र प्रतिपक्षी दलबीच चर्काचर्की भएको छ ।विद्युत प्राधिकरणका तत्कालिन कार्यकारी निर्देशक कुलमान घिसिङलाई बर्खास्त गर्नुपर्ने कारण माग गर्दै आइतबारपनि प्रतिपक्षी दलले सदन अवरोध गरेपछि सांसदहरु आरोपप्रत्यारोपमा उत्रिएका हुन् । प्रमुख प्रतिपक्षी नेकपा माओवादी केन्द्र, रास्वपासहित दलले बैठकको सुरुवातमै उठेर सरकारको जवाफ मागेपछि सदन अवरुद्ध भएको थियो ।सभामुख देवराज घिमिरेको बारम्बारको आग्रहपछि पनि प्रतिपक्षी सांसदहरुले अवरोध कायम राखेपछि नेकपा ९एमाले० का सांसद ठाकुर गैरेले सदन सञ्चालन हुनु पर्ने माग गर्दै आवाज उठाएका थिए । सो पछि सत्तापक्ष र प्रतिपक्षी सांसदहरुबीच करिब १५ मिनेट चर्काचर्की चलेको थियो ।चर्काचर्कीका बीच एक सांसदले जस्ले राजावादी हुँ भन्छ ऊ गणतन्त्र विरोधी भएकाले कारबाहीको माग गरे । लगत्तै अध्यक्ष राजेन्द्र लिङदेनसहित राप्रपाका सांसदहरुले छाती पिट्दै आफूहरु राजवादी भएकाले कारबाही गरेर देखाउन चेतावनी दिएका थिए ।सांसदहरुबीच थप चर्काचर्की सुरु भएपछि सभामुख घिमिरेले बैठक १५ मिनेटका लागि स्थगित गरेका थिए ।