काठमाडौं तीनकुने राजावादी आन्दोलनका क्रममा पक्राउ परेका राष्ट्रिय प्रजातन्त्र पार्टी ९राप्रपा० उपाध्यक्ष रवीन्द्र मिश्र,सांसद धवल शमशेर राणालगायतलाई म्याद थपका लागि प्रहरीले आज अदालत पेश गर्दैछ। यसअघि थप गरिएको म्याद सकिएपछि उनीहरूलाई आज जिल्ला अदालत काठमाडौं पेश गरिने जिल्ला प्रहरी परिसर काठमाडौंका प्रवक्ता अपिल बोहराले जानकारी दिए।चैत्र १५ गते साँझ पक्राउ परेका मिश्र, सांसद धवल शमशेर राणालगायत २० जनामाथि यसअघि दुईपटक म्याद थप भइसकेको छ। उनीहरूमाथि अनुसन्धान गर्न पहिलो पटक ५ दिन र दोस्रो पटक १५ दिनको म्याद थप भएको थियो। यस्तै अपराधिक उपद्रव र संगठित अपराधको कसूरमा अनुसन्धान भइरहेकाविरुद्ध भने दोस्रो पटक २० दिनको म्याद थप गरिएको थियो।धवल शमशेरमाथि भने बाहिरबाटै अनुसन्धान हुने भएको छ। स्वास्थ्य कारण राणा आइतबार थुनामुक्त भइसकेका छन्। मिश्रसहित २८ चैत्रमा पक्राउ परेका दुर्गा प्रसाईलाई राज्यविरुद्धको कसूर र संगठित अपराध मुद्दा चलाइएको छ। चैत १५ गते तीनकुने क्षेत्रमा भएको राजावादीको प्रदर्शनमा दुईजनाको ज्यान जानुको साथै थुप्रै निजी सम्पत्तिमा क्षति पुर्‍याइएको थियो। प्रदर्शनकारीले मिडिया लक्षित आक्रमणसमेत गरेको थियो।