रुपन्देहीको शुद्धोधन ४ फर्साटिकरमा अवस्थित लिटल फ्लावर्स अङ्ग्रेजी माध्यमिक विद्यालयमा अभिभावक अभिमुखीकरण कार्यक्रम सम्पन्न भएको छ।शुक्रबार २ सय बढी अभिभावकको उपस्थितिमा अभिमुखिकरण एंव प्रथम त्रैमासिक परिक्षाको नतिजा प्रकाशन कार्यक्रम सम्पन्न भएको हो ।प्रशिक्षक मनिष मिश्रले अभिभावकहरुलाई असल अभिभावकको भूमिका बारे कार्यक्रममा उत्प्रेरणामुलक प्रशिक्षण दिएका थिए । असल अभिभावक कसरी बन्ने र घरमा कसरी विद्यार्थीहरुलाई असल अभिभावकत्व प्रदान गर्ने भन्ने विषयमा प्रशिक्षक मिश्रले सो अवसरमा जानकारी गराए ।कार्यक्रममा बोल्दै विद्यालयका विद्यालय अध्यक्ष पानकुमार फौदार र प्रिन्सिपल दिलकुमारी फौदारले असल विद्यार्थी उत्पादनका लागि बिद्यालय र शिक्षक सङ्गै अभिभावकको पनि महत्वपूर्ण भूमिका हुने बताउनुभयो । अभिभावकहरुले विद्यालय र विद्यार्थीको शैक्षिक गुणस्तर सुधारका निम्ति सुझाव सहितको प्रतिक्रिया जनाएका थिए ।विभिन्न साँस्कृतिक प्रस्तुतीहरु समेत समेटिएको उक्त कार्यक्रम विद्यार्थी समर्थ फौदारको सञ्चालनमा सम्पन्न भएको हो ।