लुदस, कपिलबस्तु । राष्ट्रिय प्रजातन्त्र पार्टी (राप्रपा) कपिलवस्तु क्षेत्र नम्बर १ को क्षेत्रीय कार्यसमितिको विस्तारित बैठकले प्रत्यक्ष तथा समानुपातिकतर्फका उम्मेदवारहरू सिफारिस गरेको छ। क्षेत्रीय कार्यसमितिले गरेको निर्णयअनुसार प्रत्यक्षतर्फ चार जनालाई उम्मेदवारका रूपमा सिफारिस गरिएको छ। प्रत्यक्ष उम्मेदवारमा ध्रुव बहादुर रायमाझी, डा. माधव पन्थी, राजेन्द्र विक्रम शाह र रामु शर्मा रहनुभएको छ।
यस्तै, समानुपातिकतर्फ विभिन्न समुदाय तथा वर्गको प्रतिनिधित्व हुने गरी १२ जनालाई सिफारिस गरिएको छ। समानुपातिक उम्मेदवारमा राजेन्द्र प्रसाद चौधरी थारु, कृष्ण बहादुर चौधरी, शत्रुघन विलास कुर्मी (चौधरी), गंगाराम बरई, बहुरन पाण्डे, सूर्यकुमार गुरुङ, दुर्गा सिंह थापा, विमला कुमारी पासी, एकलाल नेपाली, प्रकाश भुसाल, भूमिराम गिरी र सरस्वती शर्मा रहनुभएको छ।
समानुपातिक सूचीमा आदिवासी जनजाति, मधेसी, दलित, खस आर्य तथा महिला वर्गको समावेशी प्रतिनिधित्वलाई प्राथमिकता दिइएको पार्टीले जनाएको छ। उक्त सिफारिस पार्टीको केन्द्रीय समितिमा पठाइसकिएको र आगामी निर्णय केन्द्रीय तहबाट हुने राप्रपाले जनाएको छ।
