तौलिहवा । युनिक एग्रो सेन्टर तथा रुपक भेट फर्माको आयोजनामा कपिलवस्तु बहुमुखी क्याम्पसमा स्नातक तहमा अध्ययनरत १५० जना विद्यार्थीहरूका लागि क्यरियर काउन्सेलिङ तथा मोटिभेसनल कार्यक्रम सम्पन्न भएको छ।
कार्यक्रममा प्रशिक्षक देव मिश्रले सहजीकरण गर्दै क्यरियर निर्माण, लक्ष्य निर्धारण तथा आत्मविश्वास अभिवृद्धिका विषयमा प्रशिक्षण प्रदान गरेका थिए । कार्यक्रममा विद्यार्थीहरूलाई आफ्नो रुचि र क्षमता पहिचान गर्न सहयोग गर्दै उचित क्यरियर छनोटका लागि मार्गदर्शन गरिएको थियो। साथै, लक्ष्य निर्धारण, आत्मविश्वास अभिवृद्धि तथा सकारात्मक सोच विकास मार्फत भविष्यप्रति स्पष्ट दृष्टिकोण बनाउन प्रेरित गर्नु कार्यक्रमको मुख्य लक्ष्य रहेको आयोजकले जनाएको छ ।
कार्यक्रम युनिक एग्रो सेन्टर तथा रुपक भेट फर्माका प्रोप्राइटर रुपक बनियाको अध्यक्षतामा सम्पन्न भएको हो। कार्यक्रम सुदिप भुसालले स्वागत मन्तव्य र निरज जैसवालले सञ्चालन गरेका थिए ।
