जितपुर । बाणगङ्गा नगरपालिका–जितपुरमा नयाँ व्यवस्थापनसहित ‘६५ रेस्टुरेन्ट एण्ड क्याफे’ सञ्चालनमा आएको छ। ग्राहकको रुचि र मागलाई मध्यनजर गर्दै विभिन्न स्वादका परिकार उपलब्ध गराउने उद्देश्यले क्याफे सञ्चालनमा ल्याइएको हो।
क्याफेमा चाइनिज, इन्डियन तथा नेपाली परिकारसँगै थकाली खाना सेट, कम्बो सेट, झोल मःमः, चिकन तथा मटनका विभिन्न परिकार उपलब्ध हुने सञ्चालक टेकबहादुर खत्रीले जानकारी दिए।
ग्राहकलाई स्वादिष्ट खाना, सहज वातावरण र गुणस्तरीय सेवा प्रदान गर्ने उद्देश्यले क्याफे सञ्चालनमा ल्याइएको खत्रीले बताए। उनका अनुसार स्थानीय ग्राहकको माग र आवश्यकतालाई प्राथमिकतामा राख्दै परिकार तथा सेवामा विविधता ल्याइएको छ।
६५ रेस्टुरेन्ट एण्ड क्याफेको औपचारिक उद्घाटन भोली आइतबार गरिने सञ्चालक खत्रीले बताए। उद्घाटनसँगै नियमित रूपमा विभिन्न परिकार तथा सेवाहरू उपलब्ध हुने जनाइएको छ।
जितपुर क्षेत्रमा पछिल्लो समय रेस्टुरेन्ट तथा क्याफे व्यवसाय विस्तार भइरहेका बेला नयाँ व्यवस्थापन र विविध परिकारसहित सञ्चालनमा आएको ६५ रेस्टुरेन्ट एण्ड क्याफेले स्थानीय ग्राहकको आकर्षण बढाउने अपेक्षा गरिएको छ।
