काठमाडौं,२४ असार
नेकपा एमालेको विवाद मिलाउ गठित कार्यदलको बैठक सिंहदरवार स्थित अर्थमन्त्रालयमा सुरुवात भएको छ । कार्यदलमा नेपाल पक्षका संयोजक भिम रावल एमाले वरिष्ठ नेता माधवकुमार नेपाललाई भेटेर फर्के लगत्तै कार्यदलको बैठक सुरु भएको हो । वार्तामा नेपाल पक्षबाट प्रस्तुत हुने रणनीतिका लागि छलफल गर्न रावल नेपाल निवास पुगेको जानकारी दिइएको छ ।
कार्यदलकै पहल र दवावमा बुधबार राती प्रधानमन्त्री केपी ओली र वरिष्ठ नेता नेपालबीच भेटवार्ता भएको थियो । कार्यदलको बुधबार बिहानको छलफल सकारात्मक रहेको बताईएपनि दुई नेताहरुको भेटवार्ता भने विना निष्कर्ष टुँगिएको थियो । बैठक सुरु हुनुअघि उपाध्यक्ष रावल वरिष्ठ नेता नेपाल निवास कोटेश्वर पुगेर छलफल गरेका थिए ।
प्रकाशित : २०७८ असार २४, बिहीबार ०८:१८
