काठमाडौं , साउन १६
नेकपा एमालेको स्थायी कमिटी बैठक माधव नेपाल पक्षीय नेताहरूको आग्रहमा भोलिसम्मका लागि स्थगित भएको छ ।अझै पनि एकताको प्रयास जारी राख्ने भन्दै नेपाल निकट नेताहरूले आजको बैठक रोकेर माधव नेपालसँग छलफल गर्न आग्रह गरेका थिए ।
अध्यक्ष केपी शर्मा ओलीले पार्टी अनिर्णयको बन्दी भएर नबस्ने भन्दै शनिबार अपरान्ह ३ बजेका लागि बैठक बोलाएका थिए । यसअघि माधव नेपाल पक्षधर वार्ताटोलीका नेताहरूसँग ओली निकट नेताहरुको छलफल भएको थियो ।
भीम रावल लगायतका नेताहरूले अझै पनि प्रक्रिया पूरा गरौं भनेर गरेको आग्रहलाई अध्यक्षले सकारात्मक रूपमा लिएर बैठक आइतबार ३ बजेसम्मलाई स्थगित गरेकोस्थायी कमिटी सदस्य विष्णु रिमालले बताएका छन ।
प्रकाशित : २०७८ श्रावण १६, शनिबार ११:१६
