बुटवल , साउन २८
लुम्बिनी प्रदेशका नवनियुक्त मुख्यमन्त्री कुलप्रसाद केसीलसगैँ ६ जना नव ििनयुक्त मन्त्रीले पद तथा गोपनीयताका सपथ लिएका छन् । प्रदेश मुकाम बुटवलमा प्रदेश प्रमुख अमिक शेरचनले मुख्यमन्त्री केसीलाई सपथ दिलाएका छन् ।
केसीलाई चार दल र एक जना स्वतन्त्र सांसदले समर्थन गरेका छन् । दौरा सरवालमा सजिएर सपथ लिएका केसी प्रदेशको दोस्रो मुख्यमन्त्री बनेका हुन ।
नवनियुक्त मुख्यमन्त्री केसीले आजै ६ जनालाई मन्त्री बनाएका छन् । उनीहरुको पनि आजै सपथ ग्रहण भएको छ । नवनियुक्त मन्त्रीमा कांग्रेसबाट डिल्ली चौधरी, माओवादी केन्द्रबाट कृष्णध्वज खड्का तथा जसपाबाट सहस्रराम यादव, पुर्मती ढेंगा र सुमन शर्मा रायमाझी छन् । सुर्य चिन्हबाट चुनाव लेडेका स्वतन्त्र सांसद अजय शाहीलाई पनि मन्त्री बनाइएको छ ।कांग्रेस सांसद चौधरीलाई ग्रामिण तथा शहरी विकास मन्त्रालय तथा जसपा सांसद सहर्सराम यादवलाई भौतिक पूर्वाधार मन्त्रालयको जिम्मा दिईए पनि अन्य मन्त्रीहरुको मन्त्रालय बाँडफाँट गरिएको छैन ।
