बुटवल, माघ १८ ।
लुम्बिनी प्रदेश योजना आयोगले रोहिणी सिचाई आयोजना निर्माणबारे निरीक्षण गरेको छ । संघीय सरकारद्धारा सञ्चालित उक्त आयोजना प्रदेश मातहत आएपछि प्रदेश योजना आयोगको टोलीले मंगलबार निरीक्षण गरेको हो । निरीक्षणका क्रममा प्रदेश योजना आयोगका उपाध्यक्ष बामदेव क्षेत्रीले आयोजनालाई प्रभावकारी रुपमा सञ्चालन गर्नेबारेमा प्रदेश सरकारले सरोकारवालाहरुसँग छलफल गर्ने बताए ।
उक्त अवसरमा आयोगका सदस्य डा. दामोदर भुसालले रोहिणी सिचाई आयोजनालाई पर्यटनसँग जोडेर विकास गर्नुपर्ने खाँचो औल्याए । उक्त अवसरमा जलश्रोत तथा सिचार्इँ विकास डिभिजन कार्यालय रुपन्देहीका डिभिजन प्रमुुख टंक बहादुर केसीले आयोजनाको ९० प्रतिशत काम सम्पन्न भएको जानकारी दिए । उनले सिचाईँका लागि शुरु गरिएको आयोजना निर्माणका क्रममा बाढील बस्तीमा क्षती गराएकाले डिजाईन बदल्नुपर्ने आवश्यकता महसुुस गरेकाले पुन सर्भे गरिएको बताए ।
४७ करोड २४ लाख ८६हजार लागतमा २०७४ सालदेखि शुरु भएको सिचाईँ आयोजना २०७७ साल जेठ ३ गते सम्पन्न गर्ने लक्ष्य राखिएको थियो । कोरोना महामारी रस्थानीयको विवादका कारण आउदो चैत मसान्तसम्म म्याद थप गरिएको छ । यो आयोजना पूूरा भए देवदह र तिलोत्तमा नगरपालिकाका १५ सय हेक्टर क्षेत्रफलमा सिचाईँ सुुविधा पुुग्नेछ । निरीक्षणका क्रममा आयोगका सदस्य शिव पुजन यादव, देवदह नगरपालिकाका प्रमुख हिरा खत्री, प्रदेश योजनमा आयोगका निमित्त प्रशासकीय प्रमुख सुमन पौडेल लगायतको सहभागिता थियो ।
