लुदस,जितपुर ।
लक्ष्मणघाट सामाजिक विकास केन्द्रको आयोजनामा संचालित ३ दिने पुर्णिमा मेला तथा विविध साँस्कृतिक कार्यक्रम भव्य रुपमा संचालन भैरहेको छ । लक्ष्मणघाटको शान, कला संस्कृति संरक्षणमा हाम्रो अभियान भन्ने मुल नाराका साथ संचालित मेलाको आज तेस्रो अर्थात अन्तिम दिन रहेको छ । मेलामा दर्शकहरुको उत्साहजनक सहभागिता रहेको मेला सह संयोजक दिनेश चौधरीले बताए ।
२०८० साल मंसिर ११ गते देखी संचालित मेलामा करिव ५०० वटा व्यवसायिक स्टल रहेको स्टल संयोजक विनोद खनालले बताए । मेलामा पिङ, बाल उद्यान तथा विविध साँस्कृतिक कार्यक्रमले ग्राहक तथा दर्शकको आकर्षण बढेको कार्यसमिति सदस्य मदन शर्माले बताए ।
सयौ बर्ष पहिले देखी संचालन हुँदै आएको कार्तिक पुर्णिमा मेला शान्त र सौहार्दपुर्ण बाताबरणमा संचालन भएको मेला संयोजक तेज बहादुर थापाले बताए । उनले भने मेलमा सुरक्षाकर्मी र स्वयंसेवक परिचालन गरेका मेला राम्रो सँग संचालन भएको छ ।
मेलालाई भव्य र सभ्य रुपमा सम्पन्न गर्न बिभिन्न बिषयगत समिति गठन गरी परिचालन गरेका पनी मेला व्यवस्थित रहेको संस्थाका संस्थापक अध्यक्ष तथा निर्देशक रणबहादुर काउचाले बताए ।
मेलामा पहिलो दिन गायक बसन्त लम्साल,शिव खनाल, गायिका सलिना नेपाल, बलकलाकार एक्टिमा परियार,लक्किसा भट्टराईको प्रस्तुती रहेको थियो भने मंगलबार दोस्रो दिन हाँस्य कलाकार पुरुषोत्तम भण्डारी (पुर्खे बा),नेपालको कान्छो जादुगर गणेश क्षेत्री,गायिका सम्झना रणपाल,मनमाया प्रजापती, थारु गायक खेक चौधरी,ककपिलवस्तु डान्स आइडल अजय थारुको प्रस्तुती रहेको संस्थाका अध्यक्ष तथा मेला संयोजक थानेश्वर अधिकारीले बताए । आज बुधबार मेलाको तेस्रो अर्थात अन्तिम दिन लोकप्रिय गायक बैकुण्ठ महत,गायक तथा नायक बिक्रम जंश शाह, गायक दिनेश रञ्जन,दिपक भण्डारी,गायिका लक्ष्मी बस्नेत र कपिलवस्तु डान्स आइडल स्नेहा थापाको प्रस्तुती रहने मेला सह संयोजक हुम बहादुर घर्तिले बताए ।
आज मेलाको अन्तिम दिन साँस्कतिक कार्यक्रम पश्चात् साँझ ८ बजे मेलाको समापन गरिने संस्थाका उपाध्यक्ष अन्जित खनालले बताए ।मेलालाई सफल पार्न मेलाको सह आयोजक लक्ष्मणघाट बोलबमधाम विकास समिति,बिभिन्न बिषयगत समिति,टोल विकास संस्था, बिद्यालय,समाजसेवी,बुद्धिजिवी लगायत आमजनसमुदायको सक्रिय सहभागिता रहेको संस्थाकी सचिव सरिता थारुले बताइन ।
साँस्कृतिक कार्यक्रममा झुमरा नाथ लगायत स्थानिय कलाकारहरुलाई पनी कला प्रस्तुत गर्न दिईएको सदस्य सीता थारुले बताइन् ।
