शंकरनगर वन विहार तथा अनुसन्धान केन्द्र वनबाटिकाको चौथो अधिवेशनबाट नयाँ नेतृत्वका लागि कसरत सुरु गरिएको छ । मंगलबार पत्रकार सम्मेलन गरी अध्यक्ष पदका उम्मेदवार किरण खरेलले २४ बुँदे घोषणापत्र जारी गरेका छन् । चार वर्षको प्रतिवद्घता पत्र सार्वजनिक गर्दै उनले आफूले गर्न सकिने र सम्भव हुने कामलाई मात्रै प्राथमिकता दिएको बताए । बँुदागत रुपमा काम अघि बढाउने उनको प्रतिवद्धता छ ।
सबै संरचना पूरा भएको वनवाटिका जस्तै नमूना पार्क नेपालमा अन्यत्र कतै नरहेको उनले दाबी गरे । अहिलेसम्म आर्थिक पारदर्शिताको अभाव रहेको भन्दै उनले यसलाई ब्यवस्थित गर्दै अघि बढ्ने र सफ्टवेयर प्रणाली, अनलाईन सिस्टमलाई थप ब्यवस्थित ढंगले अगाडि बढाइने बताए । प्रविधिको जमाना अनुसार ब्यवस्थापनमा जोड दिएको उनले बताए । निर्माणको क्रममा टेण्डर प्रणाली अघि बढाउने लक्ष्य समेत रहेको उनले बताए ।
आफ्नो टिम समावेशी भएको उनले दाबी गरे । “सबै खाले राजनितिक दलसंग समन्वय भएको छ”– उनले भने । कुल पद १४ जना पदहरु छन् जसमा नेकपा एमालेलाई अध्यक्ष, कोषाध्यक्ष तथा नेपाली काग्रेस पार्टीलाई उपाध्यक्ष, सचिव, ४ सदस्य परेका छन । यसैगरी लेखा समिति संयोजक नेपाली काग्रेस पार्टी र २ जना सदस्य नेकपा एमालेको भागमा परेको छ । बनबाटिकामा ७७३ जना सदस्यहरु छन् । बनबाटिकामा १० लाख रुपैया मासिक संचालन खर्च हुने गरेको छ । बनबाटिका ३२ जना कर्मचारी वार्षिक ८३ लाख रुपैयाँ खर्च हुँदै आएको छ । बन्यजन्तु रेस्क्यु सेन्टरमा १७ लाख रुपैयाँ खर्च हुँदै आएको छ । वर्षमा ४ लाख पर्यटक भित्रिने गरेका छन् ।